YouTube videolarına istifadəçilər tərəfindən faydalı qeydlərin əlavə edilməsi mümkün olacaq

     Dünyanın ən məşhur videoservisi olan YouTube, Notes adlı yeni funksiyanı test etdiyini elan edib. Bu funksiya istifadəçilərə, videolara faydalı qeydlərin yerləşdirilməsi imkanını verəcək. Adi şərhlərdən fərqli olaraq qeydlər videonun adı ilə kanalın adı arasındakı hissədə yerləşəcəklər. Notes funksiyasının əsas məqsədi izləyiciləri əlavə məlumatlarla təmin etməkdir. Həmin məlumatlar sayəsində istifadəçilər bu və ya digər videodakı kontenti daha yaxşı anlaya və müəyyən faktları yoxlaya biləcəklər. Bu funksiya ilk növbədə təhsil və xəbərlərlə bağlı videolar üçün daha faydalı olacaq.

     Belə ki, belə videolarda məlumatların doğruluğu vacib rol oynayır. Notes funksiyası həmçinin istifadəçinin hər hansısa video ilə daha sıx şəkildə qarşılıqlı əlaqəsini təmin edə bilər. Hal-hazırda YouTube anonim qeydləri tərtib edəcək məhdud sayda istifadəçini bu funksiyanın testinə dəvət edir. Məlumata əsasən videolar üçün olacaq istifadəçi qeydləri özlərində müəyyən müddət ərzində görünəcək tag-ları və linkləri də birləşdirəcəklər. Notes funksiyasının yaxın həftələr və ya aylar ərzində YouTube videoservisinin ilk növbədə ABŞ-dakı istifadəçiləri üçün istifadəyə veriləcəyi gözlənilir.

Bənzər xəbərlər

Sosial Media

YouTube, Shorts-larda süni intellekt xülasəsi funksiyasını sınaqdan keçirir!

YouTube, Shorts-a müxtəlif yeniliklər gətirməkdə davam edir. Hazırda mobil versiyada olması gözlənilən süni intellekt xülasəsi funksiyası artıq sınaqdan keçirilməyə başlanılıb.

Sosial Media

Google Lens funksiyası YouTube videoservisinə inteqrasiya edilib

Google şirkəti YouTube videoservisinə Google Lens funksiyasını inteqrasiya edib. Bu funksiyanı əldə etmiş YouTube istifadəçiləri videoservisin axtarış bölməsinə daxil olduqları zaman səhifənin yuxarı sağ hissəsində Google Lens ikonunu görə bilərlər.

Sosial Media

YouTube, silahlı videolara "18 yaş məhdudiyyəti" qoyur!

YouTube, silahla bağlı bəzi videoları məhdudlaşdırmaq üçün odlu silah siyasətini yeniləyib. Artıq silah aksesuarları olan videolar üçün 18 yaş və üzəri yaş məhdudiyyəti olacaq.

Proqram Təminatı

Youtube, öz oyun xidmətini bütün istifadəçiləri üçün açıq elan edib!

YouTube, keçən il təqdim etdiyi və Premium abunəçilərin mini oyunları oynaya biləcəyi "Playables" xidmətini bütün istifadəçilərin istifadəsinə verib.

Sosial Media

YouTube reklam bloklayıcıları ilə yeni mübarizə üsuluna əl atıb

Reklam bloklayıcılarından istifadə edən YouTube istifadəçiləri aşkar ediblər ki, məşhur video platformadan reklam bloklayıcısının aktiv olduğu halda istifadəsi zamanı videolar avtomatik olaraq sonlanırlar.