'Apple' naqilsiz şarj texnologiyaları hazırlayan startapı aldı
Tech-Biznes
Startup və Biznes
e-ticaret
25.10.2017
Farid Pardashunas
“Apple” naqilsiz şarj sistemləri hazırlayan PowerbyProxi adlı startapı alıb.
Bu barədə AppleInsider saytı xəbər
verir. Bağlanmış müqavilənin maliyyə tərəfi haqqında heç bir məlumat verilmir.
Şirkətin baş vitse-prezidenti Dan Riccio bu müqaviləni əla əlavə kimi qeyd
edib. Belə ki, şirkət naqilsiz gələcəyi yaratmaq ilə məşğuldur. Məlumata əsasən
bu müqavilə “Apple”ın, yeni iPhone 8, iPhone 8 Plus və iPhone X modelləri üçün Qi
standartlı naqilsiz şarjı aktiv etdikdən sonra bağlanıb. Çox güman ki, bu
startapın texnologiyaları vasitəsilə şirkət iPad və MacBook kimi öz digər məhsulları
üçün də naqilsiz şarj sistemi yarada biləcək.
PowerbyProxi startapı 2007-ci ildə
Yeni Zelandiyada təsis edilmişdi. Startap, cihazların fiziki enerji mənbəyinə
qoşulmadan şarj olunması texnologiyalarını yaratmaqla məşğuldur. Sözügedən
müqavilənin bağlanmasından sonra “Apple” bu startapa öz məhsullarını müstəqil şəkildə
satmağa icazə verib-verməyəcəyi məlum deyil. Adətən bu şirkət tərəfindən
alınmış startaplar öz məhsul istehsallarını dayandıraraq tamamilə şirkətin məhsullarında
öz diqqətlərini cəmləyirlər. Lakin buna baxmayaraq istisnalar da mövcuddur.
Buna misal olaraq “Beats” şirkətini gətirmək olar. 2013-cü ildə “Apple”ın onu 3
milyard dollara almasına baxmayaraq şirkət hələ də öz məhsullarını müstəqil şəkildə
satır.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)