Bəs "InMerge İnnovasiya Sammiti"nin hansı üstünlükləri var?
Startup və Biznes
19.10.2023
Emil Nəcəfov
Sosial mediada, eləcə də xəbərə portallarında tez-tez qarşımıza çıxan "InMerge İnnovasiya Sammiti" haqqında hələ də bir çoxlarının yetəri qədər məlumatı yoxdur. Gəlin regionun ən böyük innovasiya sammiti ilə tanış olaq və onun üstünlüklərini ətraflı öyrənək.
"InMerge İnnovasiya Sammiti" 30 noyabr və 1 dekabr tarixlərində "PAŞA Holding"in təşkilatçılığı ilə Bakı Konqres Mərkəzində baş tutacaq. Bu tədbiri nəinki regionun ən böyük innovasiya sammiti, həmçinin regionun ən üstünlüklü sammiti də adlandırmaq olar. Çünki burada "Apple" şirkətinin qurucularından Steve Wozniak, "Tesla"nın həmtəsisçisi JB Straubel və "Shazam" şirkətinin qurucusu Chris Barton kimi tanınmış şəxslər iştirak edəcək və öz biliklərini, təcrübələrini hər kəslə bölüşəcəklər.
Onlarla yanaşı, ölkəmizdən rəhbər şəxslər: rəqəmsal inkişaf və nəqliyyat naziri Rəşad Nəbiyev, iqtisadiyyat naziri Mikayıl Cabbarov, "PAŞA Holding"in baş icraçı direktoru Cəlal Qasımov və başqaları da sammitə qatılacaq. Beləliklə, sammitə bilet alıb gələn hər kəs bu şəxslərlə tanış olmaq və əməkdaşlıq qurmaq şansı da əldə etmiş olacaq.
"InMerge İnnovasiya Sammiti" ekosistemə öz töhfəsini vermiş startaplar və investorlara da öz qapılarını açır. Regionun dörd bir yanından tədbirə qoşulan startaplar burada öz ideyalarını minlərlə insana göstərəcək və investisiya, hətta mükafat qazanmaq şansı əldə edəcəklər. Artıq Özbəkistan, Türkiyə, Gürcüstan və Qazaxıstandan startaplar, investorlar və şirkətlər tədbirə öz adlarını yazdırıblar.
Sammit haqqında daha çox məlumat almaq, spikerlərlə tanış olmaq və ən əsası bilet əldə etmək üçün inmerge.az veb-saytına müraciət edə bilərsiniz
Linki kopyala
Bənzər xəbərlər
Oxşar xəbərlər
Həftənin xəbərləri
