Confido adlı blockchain startap ICO vasitəsilə pul yığandan sonra aradan çıxdı

Bu barədə The Next Web saytı xəbər verib. Bu layihə investorlara ağıllı müqavilələrin və çatdırılmanın izlənməsindən istifadə edərək təhlükəsiz bir ranqlı tranzaksiyaları investoralara təklif edirdi. 19 Noyabr tarixində isə investorlar aşkar etdilər ki, layihənin saytı işləmir. Bundan əlavə olaraq layihənin Facebook, Twitter, Reddit və Medium saytlarındakı səhifələr də yoxa çıxıb.

Confido-nun təmsilçisi Reddit saytında ismarıc dərc etmişdi. Həmin ismarıcda o etiraf edib ki, şirkətdə baş verənləri hal hazırda açıqlaya bilmir. Həmin vaxtda Medium saytında Confido-nun qanunla olan qəliz problemləri barəsində elan yayıldı. Güman olunur ki, həmin yazını Confido-nun təsisçilərindən biri olan Joost van Doorn yazıb. Onu şəbəkədə LinkedIn səhifəsi vasitəsilə tapmaq olardı. Lakin həmin səhifə artıq LinkedIn-dən silinib.

Reddit istifadəçiləri isə Confido-nun komandasını tapmağa çalışıblar. Lakin axtarış nəticəsində onlar yalnız saxta LinkedIn səhifələri aşkar ediblər. 4chan adlı istifadəçilərdən biri Confido-nun bağlanmasından iki gün öncə özəl istintaq aparmış və aşkar etmişdi ki, komandanın bütün səhifələri saxtadır. Bunu biləndən sonra o, Confido-nun bütün tokenlərini satmışdır. 20 Noyabr tarixinə olan məlumata əsasən Confido-nun qiyməti 95% aşağı düşüb və bir tokenin qiyməti 0.03$ təşkil edib.