Jeff Bezos Amazon şirkətinin CEO vəzifəsindən ayrılacağını elan edib
Tech-Biznes
Startup və Biznes
e-ticaret
03.02.2021
Farid Pardashunas
Dünyanın ən bahalı şirkətləri reytinqində ilk üçlüyə daxil olan Amazon-un yaradıcısı Jeff Bezos şirkətin CEO vəzifəsindən ayrılacağını elan edib. Bu barədə Axios saytı xəbər verib. Jeff Bezos-un sözlərinə əsasən şirkətin yeni CEO vəzifəsində çalışacaq şəxs artıq seçilsə də o hələ təqaüdə çıxmağı planlaşdırmır. Məlumata əsasən Jeff Bezos CEO vəzifəsindən ayrılandan sonra o, Amazon-un icraçı sədri vəzifəsinə keçid edəcək. Faktiki olaraq şirkətdə əsas baş adam Bezos olaraq qalacaq. Amazon-un yeni CEO-su isə hal hazırda Amazon Web Services (AWB) şöbəsinin rəhbəri Andy Jassy olacaq.
O bu ilin üçüncü rübündə şirkətin CEO vəzifəsinə keçəcək. Andy Jassy 2016-cı ildən AWB-ya rəhbərlik edir. Keçən il bu şöbənin gətirdiyi ümumi gəlir 13.5 milyard dollar olmuşdu. Amazon-un yaradıcısı Jeff Bezos-a gəldikdə isə o, əlavə vaxtını digər layihələrinə sərf etmək niyyətindədir. Söhbət, Day 1 Fund, The Bezos Earth Fund, Blue Origin və The Washington Post layihələrindən gedir. Qeyd etmək lazımdır ki, Jeff Bezos Amazon şirkətini 1994-cü ildə təsis edib. İlk öncə bu şirkət kitabların satışı ilə məşğul olurdu. Daha sonra isə o öz biznesini daha da genişləndirdi. Hal hazırda Amazon-un bazar dəyəri 1.6 trilyon dollar təşkil edir. Bezos isə dünyanın ən varlı şəxsi hesab edilir.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
Telegram-ın yaradıcısı Pavel Durov geniş müsahibə verib (VİDEO)