Sam Altman OpenAI şirkətinin CEO vəzifəsinə geri qayıdıb
Startup və Biznes
24.11.2023
Emil
Bloomberg-in verdiyi məlumata əsasən Sam Altman-ın OpenAI şirkətinin CEO vəzifəsindən azad edilməsi öz növbəsində şirkətin vacib missiyası mövzusunda rəhbərlik ilə fikir ayrılığına səbəb olub. Məlumatda qeyd edilib ki, Altman-ın OpenAI şirkətinin CEO vəzifəsinə geri qayıtmasına baxmayaraq həllini gözləyən çoxlu sayda sual mövcuddur. Altman-ın şirkətə geri qayıtması ilə şirkətin direktorlar şurası nümayəndələri də dəyişib. Şirkətin müddətli yeni direktorlar şurasına Salesforce şirkətinin keçmiş CEO-su Bret Taylor, ABŞ-ın keçmiş maliyyə naziri Larry Summers və Quora servisinin CEO-su Adam D’Angelo daxil olublar.
Altman-ın özü isə hələ ki, direktorlar şurasına daxil olmayıb. Müddətli yeni direktorlar şurasının ilk işi OpenAI şirkətinin biznes məqsədləri ilə cəmiyyətin süni zəka risklərindən qorunması vacibliyi arasındakı tarazlığı formalaşdıra biləcək yeni rəhbərlərin tapılmasıdır. Şirkətin investorları həmçinin direktorlar şurasının investorlarla ünsiyyətdəki dəyişiklikləri də gözləyirlər. Bloomberg qeyd edib ki, Microsoft keçmiş direktorlar şurasının Altman-ı qovmaq barəsində səthi məlumatlar təqdim etməsindən qəzəblənmişdi. OpenAI şirkətinin digər bəzi investorları və əməkdaşları da Altman-ın işdən azad edilməsi səbəblərinin detallı şəkildə təqdim edilməməsindən narazı idilər.
Paylaş
Ən çox oxunanlar
Səudiyyə Ərəbistanının "The Line" layihəsi regiondakı iqlimi dəyişə bilər
