Əldə olunmuş vəsait, süni zəka və robotexnika layihələrinin maliyyələşdirilməsi üçün istifadə olunacaq. Beləliklə bu cür rekord göstəricidə əldə olunmuş investisiya sayəsində o, dünyanın ən böyük fondu oldu. Qeyd etmək lazımdır ki, dünyanın ən böyük birbaşa investisiya fondu Yaponiyanın “Softbank Group”u və Səudiyyə Ərəbistan fondu tərəfindən dəstəklənir. “Softbank” düşünür ki, informasiya təkamülü davam edir və yeni texnoloji müəssisələrin yaradılması üçün irimiqyaslı investisiyalar lazımdır. Yeni fondun investorları siyahısında “Abu Dhabi Mubadala Investment”, “Apple”, “Qualcomm”, “Foxconn” və “Sharp Corp” kimi şirkətlər var. Fond, 100 milyon dəyərində uzunmüddətli investisiya yatırımları əldə edəcəyinə ümid edir. Həmçinin o, mobil kompüter, əlaqə infrastrukturu, hesablayıcı biologiya, istehlakçı interneti müəssələrinə və maliyyə texnologiyalarına investisiya yatıracaq. Bir çox ölkələr texnologiyanın inkişafına maksimal şəkildə investisiya yatırmağa çalışır. Məsələn, bu il Çin, mikrosxemlər istehsal edən yeni zavoda 30 milyard dollar investisiya yatırmağı planlaşdırır. İngiltərə, süni zəka və robotexnika sahəsinin tədqiqatına 17.3 milyon avro xərcləməyi düşünür. Cənubi Koreya isə növbəti 5 il ərzində robotexnika sahəsinə 445 milyon dollar investisiya yatırmağı planlaşdırır.