SoundCloud, iflasdan canını qurtardı. Servis yeni investisiya cəlb etdi və CEO-nu dəyişdi

12.08.2017 0 PAYLAŞIM 239 OXUNMA

Almaniyada təsis edilmiş SoundCloud servisi, yeni investisiyanın cəlb olunduğunu və CEO-nun dəyişildiyini bildirdi.

Belə ki, dünənki xəbərə əsasən SoundCloud öz fəaliyyətini davam etdirməsi üçün səhmdarlardan 169.5 milyon dollar investisiyanın cəlb olunmasını (şirkətin 150 milyon dollar qiymətləndirilməsi şərti ilə) xahiş etmişdi. Məlumata əsasən şirkət CEO-su bildirmişdi ki, servisin öz fəaliyyətini davam etdirməsi bu investisiyadan asılıdır. Dünən şirkət bildirdi ki, o, uğurlu investisiya raundu keçirdib. Lakin həmin investisiya raundunda cəlb olunmuş vəsaitin miqdarı haqqında bir məlumat yoxdur. Servisin yeni investorları kimi The Raine GroupTemasekşirkətləri çıxış ediblər. Cəlb olunmuş yeni vəsaitlər, SoundCloud-a, fəaliyyətini davam etdirməkdə yardımçı olacaq. Bundan əlavə olaraq servisin CEO-su da dəyişdi. Servisin təsisçisi Alexander Ljung-un yerinə, Vimeo-nun keçmiş CEO-su Kerry Trainor gəlib.

Sol tərəfdəki şəxs Kerry Trainor, sağ tərəfdəki şəxs isə Alexander Ljung-dur.