Startaplar bitcoini girov qoyub kredit götürmək xidmətini istifadəyə verdilər

Startaplar bitcoini girov qoyub kredit götürmək xidmətini istifadəyə verdilər

Startup və Biznes
19.12.2017 PAYLAŞIM

Bəziləri bitcoin almaq üçün kredit götürdükləri bir vaxtda digərləri öz kriptoaktivlərini girov kimi istifadə edrilər.

ABŞ-dan, Avropadan və Asiyadan olan bir neçə startap kredit proqramlarını işə salıblar. Həmin kredit proqramları sayəsində insanlar kriptovalyuta almaq üçün borc vəsait rəsmiləşdirə bilərlər. Lakin bu cür kreditlərin verilmə şərtlərini sərfəli adlandırmaq çətin məsələdir. Bu günlərdə bitcoinin qiyməti 20.000$-a qalxdı. İlin əvvəlindən isə onun qiyməti 1824% yüksəlib. Bitcoinin ümumi bazar kapitalizasiyası artıq 300 milyard dolları keçib. Bununla belə bitcoinin 40%-i yalnız 1000 anonim investorda cəmlənib. Mütəxəssislərin fikrincə kriptovalyutanın bir çox sahibləri onları kredit verilməsində istifadə etmək istəyərdilər.

Analitiklərin fikrincə bu cür xidmət ilk növbədə kriptoinvestorlara, maynerlərə və kriptobiznes ilə məşğul olan şirkətlərə sərf edəcək. Bir neçə startap eyni zamanda bunda biznesin inkişafı üçün imkan gördülər. Bloomberg saytı kredit rəsmiləşdirmək üçün kriptovalyutanı girov kimi qoymaq xidmətini təqdim edən 4 şirkətin adını çəkib. Amerikanın “Salt Lending”, İngiltərənin “Nebeus”, Estoniyanın “CoinLoan” və Honkonqun “EthLend” şirkətləri. Bitcoinin yüksək səviyyədə qiymət dəyişkənliyi faktoruna görə startaplar özlərini sığortalamalı olurlar. Buna görə də onlar heç də sərfəli olmayan şərtləri qoyurlar.


Məsələn “Salt Lending” şirkəti blockchain aktivlərə sahib olan insanlara 100.000$ kredit vermək üçün onlardan 200.000$ dəyərində bitcoini girov kimi qoymağı tələb edir. Bununla belə illik faiz dərəcəsi 12%-dən 20%-ə kimi təşkil edə bilər. Bu isə inkişaf etmiş ölkələrdə adi kredit dərəcələrindən çox yüksəkdir. Həmçinin bir sıra şirkətlər onu da tələb edirlər ki, bitcoinin qiymətinin aşağı düşməsi halında müştəri girov kimi əlavə kriptovalyuta da əlavə etməli olsun. İngiltərənin “Nebeus” şirkəti müştərilərə kredit vermir. Bunun yerinə o, kənar kredit təşkilatlarına öz məhsullarını kriptoinvestorlar arasında inkişaf etdirilməsinə yardımçı olur. Beləliklə xidmətin işə salındığı ilk gündə şirkət 100 kreditin rəsmiləşdirməsinə yardımçı oldu. Dekabrda isə bu göstərici 1000 oldu. “Salt Lending” şirkəti də banklarla əməkdaşlıq etməyi və kriptovalyuta sahibləri ilə kredit təşkilatları arasında vasitəçi kimi çıxış etməyi planlaşdırır. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


SpaceX ABŞ-ın ən bahalı özəl şirkəti statusunu əldə edib

SpaceX səhmlərinin təkrar bazarda satılması nəticəsində şirkətin bazar dəyəri 125 milyard dollara yü..


Dünyada üçüncü yer: Xiaomi smartfonlarının aktiv istifadəçi kütləsi 500 milyon i..

Counterpoint Research şirkətinin verdiyi məlumata əsasən bu ilin birinci rübündə Xiaomi şirkəti öz t..


Twitter-in alınmasından imtina halında Elon Musk-ın 1 milyard dollar cərimə ödəm..

Bir neçə gün bundan öncə Elon Musk Twitter-in satın alınması prosesinin dayandırıldığını elan etmişd..


Elon Musk Twitter-in satın alınma prosesini dayandırıb: Səbəb nədir?

Keçən ayın ortasından başlayaraq Elon Musk-ın Twitter-i almaq planı barəsində məlumatlar ortaya çıxm..


Azərbaycanda yeni Mələk İnvestorlar Klubu yaradıldı

'Technovate Investments' vençur və ya 'startup studio' modeli ilə işləyir. Bu startaplar ilə işləyə..


Elon Musk-ın Twitter-i 44 milyard dollara alması rəsmi şəkildə elan edilib

Elon Musk-ın Twitter-i 44 milyard dollara alacağı təsdiqlənib. Twitter bu məlumatı rəsmi şəkildə təs..

×