Çində fəaliyyət göstərən təhsil startapı Liulishuo, 100 milyon dollar investisiya aldı.

Bu startap tərəfindən süni zəka əsasında yaradılmış ingilis dili müəllimi artıq 600.000 tələbəyə sahibdir. Liulishuo adlı startap, digər təhsil layihələrindən fərqlənir. Belə ki, onun ingilis dili öyrədicisi, süni zəka əsasında hazırlanıb. Süni zəka, tələbələri və onların ingilis dilində danışa bilmək bacarıqlarını qiymətləndirərək individual təhsil proqramını seçir. Şirkətin təsisçisi, “Google”un məhsullar üzrə keçmiş meneceri olan Wang Yi-dir. Startapın artıq 600.000-ə yaxın aktiv istifadəçisi var və bu ilin əvvəlində o, gəlir əldə etməyə başlayıb. Sözügedən startapa, China Media Capital, Wu Capital, Trustbridge Partners, IDG Capital, GGV Capital, Cheburic Ventures və Hearst Ventures kimi fondlar investisiya yatırıblar. Təhsil sahəsində olan yeni texnologiyalar daha da aktual olmağa baışlayırlar. Mütəxəssislərin fikrincə bu sahə, investisiyalar üçün ən perspektivlilərindən biridir. Belə ki, böyük şirkət menecerləri öz işlərindən ayrılaraq özlərinin təhsil üzrə startaplarını yaradırlar.

Bənzər xəbər

Süni zəka sahəsində 10 qorxunc inkişaf