main-post-cover

    Twitter ciddi endirimlər və əlavə xidmətlər vasitəsilə reklam verənləri geri qaytarmağa çalışır

    Tech-Biznes
    Startup və Biznes
    e-ticaret
    02.12.2022
    Emil Nəcəfov
        Twitter reklam verənlərə əhəmiyyətli stimullar təklif edərək onların sosial şəbəkə daxilində reklam xərclərini artıracaqlarına ümid edir. Bu üsul ilə sosial şəbəkənin rəhbərliyi Twitter-də reklam kampaniyalarını dayandırmış reklam verənləri geri qaytarmaq istəyir. Verilmiş məlumata əsasən sosial şəbəkənin administrasiyası bu məsələ ilə bağlı reklam agentliklərinə məktub göndərib. Həmin məktubda Twitter öz platformasında reklam kampaniyalarını keçirtmək istəyən təmsilçilərə ciddi endirimlər təklif edir.
        Məsələn sosial şəbəkə daxilində reklam kampaniyalarına 500 000$ vəsait xərcləyəcək şirkətlərə eyni vəsait dəyərində əlavə xidmətlər təklif edir. Lakin təklif edilən əlavə xidmətlərin dəyəri ümumilikdə 1 milyon dolları keçməməlidir. Daha az xərclər çərçivəsində təkif edilən əlavə xidmətlərin həcmi də az olacaq. Bu təklif il sonuna kimi sifariş ediləcək reklam kampaniyaları üçün keçərlidir. Qeyd etmək lazımdır ki, son zamanlarda reklam verənlər Twitter daxilində reklam kampaniyalarını dayandırıblar. Reklam xidmətlərindən əldə edilən gəlir isə sosial şəbəkənin ümumi gəlirinin 90%-ni təşkil edir.
    Linki kopyala