'Uber'in Çindən olan rəqibi 'Didi Chuxing' 4 milyard dollar investisiya aldı

Şirkət əldə olunmuş vəsaitləri süni zəka texnologiyasının inkişafına, elektronəqliyyat şəbəkəsinin yaradılmasına, pilotsuz idarəetmə sistemlərinin yaradılmasına və digər bazarlara çıxmaq üçün yatırmağı planlaşdırır. Yeni investisiya raundunda iştirak etmiş investorların adları isə bildirilməyib. Techcrunch-ın verdiyi məlumata əsasən taksi şirkəti indiyənə kimi “Alibaba”, “Apple” və “Tencent” kimi şrikətlərdən ümumilikdə 13 milyard dollar investisiya əldə edib. 4 milyard dollarlıq investisiya nəticəsində şirkətin qiyməti 56 milyard dollara qalxıb. “Uber” isə ortalama 68-70 milyard dollar dəyərində qiymətləndirilir. Lakin “SoftBank”ın “Uber”ə olan investisiya təklifi şirkətin dəyərini 50 milyard dollara endirir.