'Uber'in rəqibi Grab, 2 milyard dollar investisiya aldı
Tech-Biznes
Startup və Biznes
e-ticaret
24.07.2017
Emil Nəcəfov
Grab, gözlənilən investisiyanı əldə etdi.
“Uber”in Cənub-Şərqi Asiyadakı rəqibi Grab, Didi Chuxing
taksi servisi və “Softbank”dan ümumilikdə 2 milyard dollar investisiya əldə
edib. Məlumata əsasən bu cür investisiya raundundan sonra Grab-ın dəyərləndirilməsi
6 milyard dollar təşkil edir. Qeyd etmək lazımdır ki, bu göstərici, Grab-ın,
keçən ilin Sentyabr ayında əldə etdiyi 750 milyon dollar investisiyadan sonrakı
dəyərləndirmədən 2 dəfə böyükdür. “Biz, Didi və Softbank şirkətləri ilə olan
strateji əməkdaşlığımızı genişləndirməkdən çox sevincliyik. Biz şadıq ki, bu 2
şirkət, bizim, Cənub-Şərqi Asiyanın gələcəyi və onun bazar imkanları haqqında
müsbət fikirlərimizi bölüşürlər və Grab-ın, bazar imkanlarından yararlana biləcəyi
mövzusunda onun perspektivli yer tutmasını dəstəklədiklərinə sevinirik” – deyə
Grab-ın CEO-su Anthony Tan bildirib. Faktiki olaraq Didi və “Softbank”,
Grab-ın, Cənub-Şərqi Asiya bazarında “Uber”ə qalib gəlmək üçün bütün
imkanlarının olduğuna əmindirlər. Bu əminlik, “Uber”in, Rusiya Federasiyasındakı
biznesini “Yandex”ə satmasından sonra daha da böyüdü. Qeyd etmək lazımdır ki,
Grab, Cənub-Şərqi Asiyanın 7 ölkəsinin 36 şəhərində fəaliyyət göstərir və onun
verdiyi məlumatlara əsasən onun platformasında 1.1 milyon sürücü var. Grab-ın
xidmətləri əsasən lisenziyalaşdırılmış taksi və özəl avtomobillər vasitəsilə təqdim
olunur. Lakin bundan əlavə olaraq o, motosiklet taksi və avtobus xidmətlərini
də təklif edir.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!