'Yandex Taxi', 'Uber'lə əməkdaşlıq müqaviləsi imzaladı. Hədəf bazarlar arasında Azərbaycan var

'Yandex Taxi', 'Uber'lə əməkdaşlıq müqaviləsi imzaladı. Hədəf bazarlar arasında Azərbaycan var

13.07.2017 PAYLAŞIM

“Yandex”, “Uber” ilə birlikdə əməkdaşlıq müqaviləsi imzalayıb.

Belə ki, “Yandex”, “Uber” ilə Rusiya Federasiyası, Azərbaycan, Ermənistan, Belorusiya, Gürcüstan və Qazaxstanda online taksi sifarişi servisi ilə biznesin birləşdirilməsi üzrə müqavilə bağlayıb.


Yandex Taksi sevisinin CEO-su Tiqran Xudaverdyanın sözlərinə əsasən hər iki servisin birləşməsindən sonra müştərilər üçün hələ də hər iki tətbiq (Yandex Taksi və Uber) aktiv olaraq qalacaq. Sürücülərin bazası isə vahid bir platformada yerləşəcək. Nəticədə sürücülər hər iki tətbiq vasitəsilə edilmiş sifarişləri qəbul edə biləcəklər. Qeyd olunub ki, sürücülər sifarişlərin paylanması alqoritmi və “Yandex”a məxsus kartoqrafik naviqasiya texnologiyası vasitəsilə çalışacaqlar. Bundan əlavə olaraq istifadəçilər üçün xüsusi rouminq xidməti də aktiv olacaq.

Məsələn, hansısa turist Londonda olan zaman o, Yandex Taksi vasitəsilə Uber taksisini, Parisdə olan zaman isə Uber vasitəsilə Yandex Taksi avtomobilini sifariş edə biləcək” – deyə Tiqran Xudaverdyan bildirib. Bundan əlavə olaraq bu vahid platformaya hər iki şirkət tərəfindən ümumilikdə 325 milyon dollar investisiya yatırılması qərarı qəbul edilib. Beləliklə platformanın 59.3%-i, “Yandex” şirkətinin, 36.6%-i, “Uber” şirkətinin, yerdə qalan 4.1%-i isə platformanın öz əməkdaşlarının payına düşəcək. 

''Techcrunch''da yayımlanan bu xəbər özlüyündə bir sıra müzakirəli məsələləri ortaya atır. Bir müddət əvvəl Bakıya "Yandex Lemon Taxi"nin gətiriləcəyi ilə bağlı söz söhbətlər sosial mediada tənqid atəşinə tutuldu. "Yandex Taxi" rəhbərinin erməni olması ölkə ictimaiyyəti tərəfindən normal qarşılanmadı və mediada yayılan xəbərlər qısa zamanda "Yandex Lemon Taxi"nin facebookda Azərbaycan üçün açdığı səhifəsinin fəaliyyətinin müvəqqəti dayandırılmasına gətirib çıxardı. Yayımlanan yeni xəbərdə isə Azərbaycan hədəf region olaraq göstərilib. Ölkəmizdə hələ ki, fəaliyyəti olmayan bu taksi brendinin "Uber"lə necə əməkdaşlıq edəcəyi müəmmalı olaraq qalır.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Buglance Gulf Capital SME Awards 2019-da finala keçid edib

Buglance Startup Business of the Year kateqoriyası üzrə Gulf Capital SME Awards 2019 mükafatının q..


Azərbaycanı Abu Dhabi-də təmsil edəcək startaplar axtarılır

MENA Orta Şərq və Şimali Afrika bölgəsinin top maliyyə texnologiyaları tədbirlərindən biri sayılan F..


İnkişaf etməkdə olan ölkələrdən olan sahibkarlar texnologiyada necə uğur qazana ..

İnkişaf etməkdə olan ölkələr texnologiya və sahibkarlıq mövzusunda nə dərəcədə uğurlu ola bilərlər? ..


EuroAsian Startup Awards’a müraciət açıq elan olunur

Azərbaycan, Ermənistan, Belarus, Gürcüstan, Moldova, Rusiya, Türkiyə və Ukrayna ekosistemlərindən hə..


Yerli startap Buglance toxum mərhələsini 500.000 dollar investisiya ilə yekunlaş..

Ötən il bir neçə dəfə pre-seed mərhələsində invesitisya yüksəldən Buglance startapı Techstars aksele..


Yerli oyun Eleven Kings toxum investisiya mərhələsində 50.000 dollar cəlb etdi..

Yerli futbol menecer oyunu Eleven Kings fevralın 28-i pre-seed mərhələdə 50.000 dollar investisiya c..

×