Alimlər COVID-19-un qrip kimi mövsümi xəstəlik olduğunu sübut ediblər

Alimlər COVID-19-un qrip kimi mövsümi xəstəlik olduğunu sübut ediblər

Süni zəka və Elm
26.10.2021 PAYLAŞIM

    İspaniyalı alimlər COVID-19 yayılmasının hava temperaturu ilə nəmişliyindən asılı olduğuna dair inandırıcı sübutlar təqdim ediblər. Bu isə o deməkdir ki, soyuqdəyməyə səbəb olan viruslar və qrip kimi COVID-19 da mövsümi xəstəliyə aiddir və o əsasən payız-qış aylarında kəskinləşir. Bu fakt bütün dünyada COVID-19-a qarşı istifadəyə verilən profilaktik tədbirlərin əsaslarına ciddi təsir göstərə bilər. Bu barədə EurekAlert saytı xəbər verib. Modelləşdirmə əsasında olmuş ilk nəzəri tədqiqatlar onu göstərmişdilər ki, iqlim COVID-19-un yayılmasında aparıcı rol oynamır. Bununla belə koronavirusun Çində ilkin yayılması 30-50 dərəcə şimal enində baş vermişdi. Söhbət, aşağı temperatur (5 dərəcə Selsidən 11 dərəcə Selsiyə kimi) ilə nəmişliyə sahib regionlardan gedir.

    Bu və digər ziddiyyətli faktları nəzərə alaraq ispaniyalı alimlər çoxlu sayda məlumatı analiz edərək belə qənaətə gəliblər ki, COVID-19 aşağı temperatur və nəm hava ilə əlaqəli olan mövsümi infeksiyadır. İlk növbədə alimlər koronavirusun 162 ölkədə ilkin yayılması zamanı hava temperaturu ilə nəmişliyi arasındakı əlaqəni analiz ediblər. Məlum olub ki, virusun daha sürətlə yayılması havanın daha aşağı temperaturu və nəmişliyi ilə əlaqəli olub. Bu nəticələr həm şimal həm də cənub yarımkürələri üçün bərabər olublar. Daha sonra alimlər koronavirus ilə bağlı növbəti hadisələri analiz ediblər və onları havanın mövsümi dəyişiklikləri ilə müqayisə ediblər. Pandemiyanın birinci dalğası temperatur artımı ilə zəifləyib.


    İkinci dalğa isə temperatur ilə nəmişliyin aşağı düşməsi fonunda daha da kəskinləşib. Bununla belə bu qanunauyğunluq yay fəslində bütün qitələrdə pozulub. Alimlər bunu tədricən aradan qaldırılmış məhdudiyyətlər, insanların turistik sezonda sərbəst şəkildə hərəkət etmələri və havanın süni yol vasitəsilə soyudulması (soyutma sistemləri) ilə əlaqələndirirlər. “Aşağı nəmişlik vəziyyəti havadakı aerozolların ölçülərini kiçildir. Bu isə öz növbəsində qrip kimi mövsümi virusların hava vasitəsilə yayılmasına şərait yaradır” - deyə alimlər qeyd ediblər. Bundan əlavə olaraq alimlər göstəriblər ki, virusun ötürülməsi sürətinə hava temperaturu faktorunun əlavə edilməsi pandemiyanın növbəti dalğalarının artmasının və ya azalmasının proqnozlaşdırılması məsələsində daha yaxşı çalışır.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Alimlər orqanizmdə xərçəng xəstəliyinin yayılmasına şərait yaradan geni deaktiv ..

Xərçəng xəstəliyinin orqanizmdə yayılması prosesini müşahidə edən zaman Prinston Universitetinin ali..


Kvant səviyyəsində zaman eyni anda həm keçmişə həm də gələcəyə doğru axa bilər..

Alimlər güman ediblər ki, superpozisiya vəziyyətində (hansısa obyektin eyni zamanda iki vəziyyətdə m..


Yüksək sürətdə asteroidlə toqquşması planlaşdırılan DART aparatı uğurla kosmosa ..

Bugün səhər saatlarında ABŞ-ın Kaliforniyadakı Vandenberq adlı Kosmik Qüvvələr bazasından SpaceX-in ..


Alimlər Mars üçün süni maqnit sahəsinin yaradılmasını təklif ediblər

ABŞ-ın Milli Radio Astronomiya Rəsədxanasından olan alimlər Marsın peyki olan Fobosdan istifadə edər..


ABŞ Ayda atom elektrostansiyasını istifadəyə verməyi planlaşdırır

NASA agentliyi ABŞ-ın Energetika Nazirliyinin Aydaho Milli Laboratoriyası ilə birlikdə Ayda atom ele..


Tarixdə ikinci dəfə pasient heç bir dərman qəbul etmədən İİV-dən (HIV) tamamilə ..

İndiyənə kimi İİV-dən əziyyət çəkmiş yalnız 2 şəxs sümük iliyinin transplantasiyası sayəsində İİV-də..

×