Reklam
Alimlər orqanizmdə xərçəng xəstəliyinin yayılmasına şərait yaradan geni deaktiv edə biliblər

Alimlər orqanizmdə xərçəng xəstəliyinin yayılmasına şərait yaradan geni deaktiv edə biliblər

Süni zəka və Elm
02.12.2021 PAYLAŞIM

    Xərçəng xəstəliyinin orqanizmdə yayılması prosesini müşahidə edən zaman Prinston Universitetinin alimləri bu xəstəliyin bir çox əsas növünün metastaz mərhələsinə (xərçəngin yarandığı yerdən fərqli bədən hissəsinə yayılması) keçidindən cavabdeh olan genin izini aşkar ediblər. Nəticədə alimlər həmin geni deaktiv etməyi bacaran xüsusi birləşmələr yaradıblar. Bu cür üsul siçanlar və insan toxumaları üzərində aparılmış təcrübələrdə effektivliyini sübut edib. Yaxın gələcəkdə isə sözügedən üsulun klinik testlərinə start verilə bilər. Alimlər metastaz mərhələsinə keçən xərçəngi heç də təsadüfən daimi şəkildə müşahidə etmirlər. Cərrahiyyə əməliyyatı və ya kimyaterapiya ilkin mərhələlərdə xərçəng şişlərinin öhdəsindən gələ bilərlər. Lakin xərçəng hüceyrələri çox zaman orqanizmin digər orqanlarına və toxumalarına keçid edirlər. Nəticədə bir neçə aydan və ya ildən sonra orqanizmdə yeni xərçəng şişləri yaranır.

    Prinston Universitetinin alimləri tərəfindən aparılmış tədqiqat bir sıra kimyəvi komponentləri əks etdirir. Həmin komponentlər siçanlarda metastaz mərhələsinə keçid etmiş süd vəzi xərçənginə qarşı olan kimyaterapiya və immunoterapiya effektivliyini yüksəldə bilirlər. Alimlər tərəfindən yaradılmış yeni üsul 2004-cü ildə aparılmış tədqiqata əsaslanır. Belə ki, həmin ildə tədqiqatçılar metadgerin zülalını kodlaşdıran MTHD adlı geni təyin etmişdilər. Bu gen təkcə metastazın yaranmasından deyil, həmçinin xərçəng şişinin kimyaterapiyaya qarşı müqavimətindən də cavabdehdir. “Faktiki olaraq MTHD geni xərçəng xəstəliyinin vacib genidir. O, zərərli hüceyrələrə sağ qalmaqda və inkişaf etməkdə yardımçı olur” - deyə mütəxəssislərdən biri qeyd edib.


    Daha sonra alimlər sözügedən gen barəsində daha çox məlumat əldə edə bildilər. Bu gendən məhrum edilmiş siçanlar normal şəkildə inkişaf edirdilər. Süd vəzi xərçənginə sahib siçanlarda isə daha az metastaz müşahidə edilirdi. Eyni hal xərçəng xəstəliyinin digər növləri üçün də keçərli olub. Metadgerin zülalının kristallik strukturu onu göstərib ki, bu zülal bir cüt çıxıntıya sahibdir və həmin çıxıntılar SND1 adlı digər zülalın səthində mövcud olan çuxurlar ilə birləşirlər. Alimlər güman edirlər ki, bu əlaqəni pozmaqla MTHD geninin zərərli təsirini daha da aşağı salmaq mümkündür. Bunun üçün alimlər 2 il ərzində uyğun molekulların axtarışında olublar. Nəticədə onlar tərəfindən yaradılmış birləşmə immun sisteminin xərçəng hüceyrələrinə qarşı müqavimətinə mane olan zülal birləşmələrinin qarşısını alır. Alimlər bu üsulun 2-3 ildən sonra klinik testlərinə startın veriləcəyinə ümid edirlər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


James Webb teleskopu kainatın ən qədim qalaktikası statusunu əldə edə biləcək ye..

Alimlər iyul ayının birinci yarısında öz elmi fəaliyyətinə start vermiş James Webb teleskopundan gəl..


James Webb teleskopu 28 milyard işıq ili uzaqlığında yerləşən ulduzu öz yeni fot..

James Webb kosmik teleskopu keçən ay ilk kosmik fotolarını göndərdiyi andan aktiv şəkildə çalışmağa ..


James Webb teleskopu 500 milyon işıq ili uzaqlığında yerləşən qalaktikanın fotos..

James Webb kosmik teleskopu Yer kürəsindən 500 milyon işıq ili uzaqlığında yerləşən ESO 350-40 adlı ..


Alimlər 12 milyard il yaşa sahib qaranlıq materiya aşkar ediblər

Yapon alimlər yeni tədqiqat çərçivəsində kainatda ən geniş yayılmış maddə olan sirli qaranlıq materi..


Tarixdə dördüncü pasient İİV-dən (İnsanın İmmunçatışmazlığı Virusu) xilas ola bi..

Tarixdə dördüncü şəxs İİV-dən xilas ola bilib. Kaliforniyadakı müalicə mərkəzinin şərəfinə “City of ..


James Webb teleskopu spiral formasında olan qalaktikanın detallı fotosunu çəkib..

James Webb kosmik teleskopu spiral formasında olan NGC 628 (digər adı Messier 74) adlı qalaktikanın ..

×