Reklam
Almaniyada 3 il müddətinə qeyd-şərtsiz əsas gəlirin testinə start verilir

Almaniyada 3 il müddətinə qeyd-şərtsiz əsas gəlirin testinə start verilir

Süni zəka və Elm
20.08.2020 PAYLAŞIM

    Bu həftədən başlayaraq 120 nəfər alman hər ay 1200 avro vəsait əldə edəcək və Almaniyanın iqtisadi tədqiqatlar institutunun mütəxəssisləri hər ay ödəniləcək məbləğin həmin insanların həyatlarına necə təsir edəcəklərini analiz edəcəklər. Sözügedən təcrübənin əsas məqsədi qeyd-şərtsiz əsas gəlirin məqsədsiz həyata stimullaşdırmasını və ya həyatı cəmiyyət üçün daha faydalı etdiyini öyrənməkdir. Bu barədə Business Insider saytı xəbər verib. Təcrübə çərçivəsində Almaniyanın 120 nəfər vətəndaşı 3 il ərzində hər ay 1200 avro vəsait əldə edəcək.

    Bu vəsait ölkədə olan yaşayış minimumundan bir qədər yüksəkdir. Təcrübə Mein Grundeinkommen adlı özəl fond tərəfindən yığılmış xeyriyyə vəsaitinin hesabına aparılır. Təcrübədə iştirak edən hər bir şəxs mütəmadi olaraq öz işi, həyatı və emosional vəziyyəti barədə anket suallarına cavab verməlidir. Daha sonra Almaniyanın iqtisadi tədqiqatlar institutunun mütəxəssisləri həmin şəxslərin təcrübələrini 1380 nəfərdən ibarət digər təcrübi qrupu ilə müqayisə edəcək. Bundan sonra məlum olacaq ki, qeyd-şərtsiz əsas gəlir nəzərə çarpacaq dərəcədə təsir göstərir yoxsa yox.


Qeyd etmək lazımdır ki, qeyd-şərtsiz əsas gəlir - dövlətin öz bütün vətəndaşlarına onların yaşlarından, səhhətlərinin vəziyyətlərindən və işləyib-işləmədiklərindən asılı olmayaraq hər ay müəyyən vəsaitin ödəməsi imkanını verən iqtisadi ideyadır.

    Vətəndaşlar isə əldə etdikləri vəsaitlər vasitəsilə lazımi məhsulları ala, kirayə qaldıqları evlərin aylıq ödənişlərini və s. edə bilərlər. Bu iqtisadi ideyanın tərəfdarları əmindirlər ki, qeyd-şərtsiz əsas gəlir insanlar arasındakı bərabərsizliyi aşağı salacaq və onlara stabil maliyyə hissini bəxş edərək onların həyatlarını yaxşılaşdıracaq. İdeyaya qarşı çıxanlar isə əmindirlər ki, qeyd-şərtsiz əsas gəlir insanlarda məqsədsiz həyat hissinin formalaşmasına gətirib çıxaracaq. Buna baxmayaraq bir sıra ölkələrdə bu ideyanın işə salınması nəzərdən keçirilir. Əsasən də pandemiya dövrü kimi bir vaxtda. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Ayda nüvə energetikası: NASA Yer kürəsinin peykində nüvə enerqosistemini yaratma..

NASA ABŞ Energetika Nazirliyi ilə birlikdə Ayda yerüstü nüvə enerqosisteminin yaradılması layihəsi ü..


Günəş səthində böyüməkdə davam edən nəhəng ləkə güclü partlayışa səbəb olacaq..

20 iyun tarixində Günəş səthində nəhəng ləkə əmələ gəlib. 21 iyun tarixində isə onun ölçüsü 2 dəfə b..


Məşhur fizik: 'İnsanlar Marsa 2040-cı illərdən tez yollana bilməyəcəklər'..

Məşhur ingilis fizik Brian Cox-un sözlərinə əsasən insanlar 2040-cı ilə kimi Marsa uçuş barəsində dü..


Kompüter modelləşdirməsi Venera atmosferində həyat növünün olmadığını göstərib..

2020-ci ilin sentyabr ayında bir qrup amerikalı alim Venera atmosferinin yuxarı laylarında fosfin ma..


Alimlər Yupiterin nəhəng ölçüsünün səbəbini təyin ediblər

NASA-nın Juno adlı kosmik aparatı sonunda Yupiter planetinin bulud örtüyünün daxilinə nəzər yetirməy..


Saatda 2.2 milyon km sürət: Süd Yolu qalaktikasının ən sürətli kosmik obyektləri..

Amerikalı astronomlar Süd Yolu qalaktikasının ən sürətli kosmik obyektlərindən birini kəşf ediblər...

×