Apple yeni xəbərdarlıq sistemi ilə AI məlumatlarının hara göndərildiyini açıqlayır

    Apple yeniləmə ilə birlikdə bəzi süni intellekt funksiyalarından istifadə zamanı istifadəçilərə məlumatlarının üçüncü tərəf serverlərinə göndəriləcəyi barədə xəbərdarlıq etməyə başlayıb. Söhbət şirkətin yeni yaradıcı aləti olan Apple Creator Studio-nun şəkil və qrafik generasiya funksiyalarından gedir. İstifadəçilər artıq iOS 26 və iOS 27 sistemlərində şəkil və ya forma yaratmaq üçün süni intellekt funksiyasını işə saldıqda, qarşılarına çıxan pəncərədə sorğularının Google Cloud serverlərinə göndəriləcəyi barədə bildiriş görəcəklər. Apple eyni zamanda bu məlumatların süni intellekt modellərinin təlimi üçün istifadə edilməyəcəyini və saxlanılmayacağını vurğulayır.

    Şirkət xüsusilə qeyd edir ki, bu sistem Apple Intelligence və ya Apple Foundation Models-un bir hissəsi deyil. Yəni Siri AI və digər Apple Intelligence funksiyaları Google-un Gemini modeli və ya digər Google xidmətlərindən istifadə etmir. Apple-ın açıqlamasına görə, Google Cloud yalnız Apple Creator Studio daxilində şəkil və forma yaratmaq üçün istifadə olunur. İstifadəçinin serverə göndərilən məlumatları isə yalnız yazdığı mətn və ya redaktə üçün yüklədiyi şəkillərlə məhdudlaşır. Google-un bu məlumatları saxlamaq və ya öz modellərini öyrətmək üçün istifadə etmək imkanı yoxdur.

    Bundan əlavə, Apple Creator Studio aylıq istifadə limitləri də tətbiq edir. İstifadəçilər ay ərzində təxminən:

    Apple istifadəçilərə süni intellekt funksiyalarından istifadə zamanı şəxsi məlumatlarının məxfiliyinin qorunduğunu və məlumatların üçüncü tərəf tərəfindən təlim məqsədilə istifadə olunmadığını bir daha xatırladır.