Astronavtların 2024-cü ildə Artemis missiyası çərçivəsində Aya geri qayıtmaları şansı azalır

Astronavtların 2024-cü ildə Artemis missiyası çərçivəsində Aya geri qayıtmaları şansı azalır

Süni zəka və Elm
13.11.2020 PAYLAŞIM

    ABŞ senatının qəbul etdiyi yeni qanun layihəsinə əsasən NASA agentliyi Artemis missiyası üçün dövlət büdcəsindən yalnız kiçik maliyyələşdirməni əldə edəcək. Belə ki, Artemis missiyası üçün tələb olunan 3.2 milyard dollar vəsaitin yalnız 1 milyard dolları veriləcək. Bu isə astronavtların Artemis missiyası çərçivəsində 2024-cü ildə Aya geri qayıtmaları şansını azaldır. Bu barədə Hightech.plus saytı xəbər verib. 2021-ci maliyyə ili üçün təqdim edilmiş sənədlərə əsasən ABŞ senatı Artemis missiyasının maliyyələşdirilməsini azaltmağı nəzərdə tutub.

Qeyd etmək lazımdır ki, bu missiyanın əsas məqsədi insanların Aya qayıtmaları və orda daimi Ay bazasının yaradılmasıdır.

    Yaxın aylarda konqresmenlər yeni qanun layihəsini ABŞ-ın təmsilçilər palatası ilə birlikdə müzakirə edəcəklər. Əgər yeni qanun layihəsi təsdiqlənsə, NASA agentliyi bütün layihələri üçün 23.495 milyard dollar vəsait əldə edəcək. Bu isə agentliyin 2021-ci il üçün tələb etdiyi maliyyələşdirmədən 1.75 milyard dollar azdır. Maliyyələşdirilmənin məhdudlaşdırılması daha çox Artemis missiyasını əhatə edəcək. Belə ki, NASA agentliyinə bu layihə üçün 3.2 milyard dollar vəsait lazımdır. Həmin vəsaitlər isə Ay səthinə bir və ya bir neçə eniş modullarının hazırlanmasına sərf olunacaqdı.


Yeni qanun layihəsinə əsasən ABŞ senatı bunun üçün 1 milyard dollar vəsait ayırıb.

    Baxmayaraq ki, ABŞ hökuməti amerikalı astronavtların Aya geri qayıtmaları missiyasını dəstəkləyir, ən böyük risklər ilə xərclər hələ təyin edilməmiş eniş elementlərinin hazırlanması ilə bağlıdır. Bu isə öz növbəsində Ay missiyasının qrafikini təhlükə altına atır. Hələ sentyabr ayında NASA direktoru qeyd etmişdi ki, Artemis missiyasının reallaşdırılması üçün agentlik 2021-ci il-də bu layihəyə 3.2 milyard dollar vəsait yatırmalıdır. Əgər Artemis missiyasının maliyyələşdirilməsi məhdudlaşdırılsa, çətin ki, astronavtlar 2024-cü ildə Aya geri qayıda biləcəklər. Seçkiqabağı kampaniyası çərçivəsində Joe Biden, Donald Trump-dan fərqli olaraq kosmosa daha az diqqət ayıraraq əsas fikrini ABŞ qarşısında duran real problemlərə yönəltmişdi.


Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Alimlər insan beyni ilə kainat arasındakı oxşarlıqları aşkar ediblər

Texnologiyaların inkişafına baxmayaraq insan beyni özündə bir çox sirri birləşdirir və müasir elm in..


Alimlər kainatda olan işığın yarısının mənbəyinin hardan olduğunu aşkar edə bilm..

Son onilliklər ərzində güclü teleskoplar və inkişaf etmiş texnologiyalar sayəsində insan sivilizasiy..


Elon Musk Mars planetinin terraformalaşdırılmasından və orda olacaq ilk yaşayış ..

Elon Musk artıq uzun illərdir ki, Mars planetində insan koloniyasının yaradılması planını nəzərdən k..


Alimlər: 'Qlobal istiləşmə prosesləri artıq işə düşüb. CO2 səviyyəsinin azaldılm..

Əgər insan sivilizasiyası sabah atmosferə karbon dioksid (CO2) qazının ifrazını tam dayandırsa belə ..


Ayın görünən tərəfində böyük həcmdə su aşkar edilib

Hər şey gec-tez insanların Ayda koloniya yaradacaqlarına doğru gedir. Lakin belə bir layihədə həyatı..


Astronomlar Hubble teleskopu vasitəsilə qalaktik 'kannibalizm'-i müşahidə ediblə..

Alimlərin sözlərinə əsasən 4 milyard ildən sonra bizim Süd Yolu qalaktikamız Andromeda qalaktikası i..

×