Avropa komissiyası cəmiyyətdə süni zəka texnologiyalarının istifadəsini məhdudlaşdırmaq istəyir

Avropa komissiyası cəmiyyətdə süni zəka texnologiyalarının istifadəsini məhdudlaşdırmaq istəyir

Süni zəka və Elm
22.04.2021 PAYLAŞIM

    Avropa komissiyası süni zəkanın zərər yetirə biləcəyi müəyyən sahələrdə fəaliyyətinin məhdudlaşdırılmasını təklif edib. Avropa komissiyasının fikrincə süni zəka texnologiyasının zərər yetirə biləcəyi fəaliyyət sahələri üzrə nümunələr aşağıdakı kimidir:

- İmtahan nəticələrinin avtomatik qiymətləndirilməsi


- Süni zəkanın robotlaşdırılmış cərrahiyyə sahəsində istifadəsi

- Kredit risklərinin qiymətləndirilməsi sistemləri

- Məhkəmələrdə sübutların doğruluqlarının qiymətləndirilməsi

- İnsanların işə götürülmələri üçün nəzərdə tutulmuş proqram təminatları

- Sənədlərin yoxlanışı zamanı alqoritmlərdən istifadə.

    Komissiyanın təklifinə əsasən texnologiyalar bazara daxil olmamışdan öncə təhlükəsizlik, dəqiqlik, etibarlıq, istifadəçilər ilə nizamlayıcı orqanlara nə dərəcədə açıq olmaları, məlumatların keyfiyyətləri və s. kimi tələblərə cavab verməlidirlər. Avropa komissiyası həmçinin bəzi istisna hallardan başqa ictimai yerlərdə üz tanıma sistemlərinin istifadəsini qadağan etməyi təklif edib. İstisna hallar kimi isə itmiş uşaqların, cinayətkarların axtarışı və terror aktlarının qarşısının alınması çıxış edirlər.

    Bundan əlavə olaraq komissiya insan iradəsindən yan keçmək üçün onun davranışlarını manipulyasiya edən tətbiqlərdə və sosial reytinq sistemlərində süni zəka texnologiyasından istifadəni qəbuledilməz hesab edir. Cəmiyyət üçün minimal riskləri (məsələn oyunlarda və spam filtrlərdə olan süni zəka texnologiyaları) özündə birləşdirən süni zəka texnologiyalarının nizamlanması nəzərdə tutulmur. Komissiyanın fikrincə bu cür texnoolgiyaların sayı çoxdur. Mütəxəssislər hesab edirlər ki, bu yeni qaydalar Çindən olan şirkətlərə heç cür təsir etməyəcək və bu da öz növbəsində həmin şirkətlərə böyük üstünlüklər verəcək.

    “Bu qaydalar Avropada süni zəka texnologiyalarının yaradılmasını bahalı və bəzi hallarda texnoloji mümkünsüz edəcəklər. Avropa Birliyi öz startaplarını diz üstə çökdürəcək və ABŞ ilə Çin bunu qıraqdan seyr edərək inkişaf etməkdə davam edəcəklər” - deyə mütəxəssislərdən biri qeyd edib. Buna baxmayaraq Avropa komissiyasının bu təklifi uzun yoldan keçməlidir. Belə ki, həmin təklifi Avropa zirvəsi Avropa parlamenti kimi qurumlar təsdiqləməlidirlər. Bu proses isə illər ala bilər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Bu il ozon dəliyinin ölçüsü rekord həddə çatıb

Atmosfer monitorinqi üzrə Nikolay Kopernik adına xidmət idarəsinin mütəxəssisləri bildiriblər ki, bu..


Perseverance aparatının Marsda əldə etdiyi süxur nümunələri həyat üçün münbit şə..

NASA-dan olan tədqiqatçılar bildiriblər ki, Perseverance aparatı tərəfindən yığılmış yeni Mars süxur..


Alimlər qalaktikamızın mərkəzinə yaxın qəribə radiosiqnal mənbəyi aşkar ediblər..

Alimlər Süd Yolu qalaktikasının mərkəzinə yaxın hissəsində sirli radiodalğa mənbəyi aşkar ediblər...


Tibb işçiləri dünya liderlərini iqlim dəyişikliyi ilə mübarizədə təcili tədbirlə..

Bütün dünya üzrə tibb sahəsini əhatə edən 200-ə yaxın jurnal iqlim dəyişikliyi ilə bağlı xüsusi məqa..


Məhkəmə qərarına əsasən süni zəka patentdə ixtiraçı kimi qeyd edilə bilməz..

ABŞ-ın Leonie Brinkema adlı federal məhkəmə hakiminin qərarı ilə mövcud olan qanunvericiliyə əsasən ..


Sony şirkəti Nobel mükafatını əldə edə biləcək süni zəka yaratmağı planlaşdırır..

Sony şirkətinin süni zəka tədqiqatları üzrə şöbəsinin rəhbəri Hiroaki Kitano Nobel mükafatını əldə e..

×