Avropa Komissiyası rəsmi press-relizlərin tərcüməsində süni zəkadan istifadə edəcək

    Avropa Komissiyası sənədlərlə çalışma prosesində süni zəkadan istifadə imkanlarını genişləndirib. Belə ki, komissiya insanın iştirakı olmadan press-relizlərin süni zəka sistemləri tərəfindən avtomatik tərcümə edilməsinə icazə verib. Bu pilot layihə çərçivəsində komissiya süni zəka tərəfindən avtomatik olaraq tərcümə ediləcək press-relizləri sürətlə dərc etməyə başlayacaq. Bununla belə dərc ediləcək həmin press-relizlərdə qeyd ediləcək ki, onlar orijinal variantlarla uyğunlaşmaya bilərlər. Eyni zamanda Avropa Komissiyasının əməkdaşları daha dəqiq tərcümə üçün press-relizləri fərdi şəkildə tərcümə edəcəklər. Avropa Komissiyasının bu pilot layihəsi press-relizlərin ingilis, alman, fransız və digər dillərə tərcüməsinə istiqamətlənib. Bununla belə sistem Avropa Birliyinin 24 rəsmi dilini əhatə edəcək.