AWS yeni Nova 2 süni intellekt modellərini açıqladı
Süni İntellekt
03.12.2025
Sevinc
Technote.az "TechCrunch" platformasına istinadən bildirir ki, Amazon Web Services (AWS) süni intellekt sahəsində növbəti böyük addımını ataraq yeni nəsil Nova 2 modellərini və şirkətlərin özəl, fərdiləşdirilmiş AI modelləri yaratmasına imkan verən Nova Forge xidmətini istifadəyə verib. Bu elan AWS CEO-su Matt Garman tərəfindən re:Invent 2025 konfransında edilib.
Keçən il təqdim olunan ilk Nova model ailəsindən sonra AWS bu dəfə dörd yeni modeli istifadəyə verib:
- Nova 2 Lite – gündəlik tapşırıqlar üçün daha sərfəli, mətn, şəkil və video işləyə bilən "reasoning" modeli.
- Nova 2 Pro – yüksək səviyyəli "reasoning" imkanlarına malik, mətn, şəkil, video və səsi işləyərək kodlaşdırma kimi mürəkkəb tapşırıqları yerinə yetirən model.
- Nova 2 Sonic – real vaxtda danışıqdan danışığa çevirmə üçün optimallaşdırılmış AI modeli, xüsusilə səsli köməkçilər üçün nəzərdə tutulub.
- Nova 2 Omni – multimodal model olub, mətn, şəkil, video və səs girişlərini qəbul edir və həm mətn, həm də şəkil yarada bilir.
Garman bildirib ki, Nova model ailəsi artıq on minlərlə şirkət tərəfindən istifadə olunur. Bunlara Infosys, Blue Origin, Robinhood və NinjaTech AI kimi adlar daxildir. AWS-in yeni nəsil modelləri həm performans, həm də çeviklik baxımından əvvəlkilərdən daha güclüdür.
AWS-in ən böyük yeniliyi isə Nova Forge adlı yeni xidmətdir. Bu platforma şirkətlərə AWS-in Nova modellərini əsas kimi götürərək öz xüsusi “frontier” modellərini Novella adlandırılan AI sistemlərini yaratmağa imkan verir.
Paylaş
