Binance-də yeni dövr: Süni intellekt agentləri avtomatik ticarət edə biləcək

    Binance süni intellekt agentlərinin istifadəçilər adından bazarı analiz etməsinə və avtomatik ticarət əməliyyatları həyata keçirməsinə imkan verən Agent OS platformasını təqdim edib. Yeni sistem süni intellekt agentlərini birbaşa Binance-in maliyyə infrastrukturuna qoşur.

    Agent OS vasitəsilə tərtibatçılar süni intellekt tətbiqlərinə Binance hesabındakı məlumatları görmək, bazar göstəricilərini izləmək və istifadəçinin icazəsi daxilində alqı-satqı əməliyyatları həyata keçirmək imkanı verə bilərlər. Platforma Binance API-ləri, Binance Wallet Agentic Hub, x402 ödəniş infrastrukturu və Skill Hub kimi mövcud xidmətləri bir araya gətirir. Bundan əlavə, Model Context Protocol (MCP) dəstəyi də əlavə olunub.

    Sistem ChatGPT və Codex, Claude Code və Cursor kimi süni intellekt alətləri ilə işləyə bilir. Məsələn, istifadəçi agentə bazarı izləməyi, müəyyən siqnallar əsasında qərar verməyi və uyğun vəziyyətdə avtomatik olaraq kriptovalyuta alıb-satmağı tapşıra bilər.