Böyük Britaniya AI və müəllif hüquqları məsələsində mövqeyini dəyişdi

    Technote.az “Engadget” platformasına istinadən bildirir ki, Böyük Britaniya hökuməti süni intellektin müəllif hüquqları məsələsində əvvəlki mövqeyindən geri çəkilib. Hazırda hökumət əgər dəyişdirilməsə, Google və OpenAI kimi şirkətlərə müəllif hüquqları ilə qorunan materiallardan icazəsiz istifadə edərək modellərini öyrətməyə imkan verəcək bir məlumat qanunu üzərində işləyirdi. Hüquq sahiblərinə isə yalnız “çıxış imkanı” təklif olunacaqdı.

    Sənətkarlar və müəllif hüquqları sahiblərinin etirazlarından sonra hökumət bu mövqedən geri çəkildi. Lakin yeni mövqe hələlik konkret deyil və hökumət “mövcud məsələ üzrə üstünlük verdiyi seçim yoxdur” deyir.

    Buna baxmayaraq, əvvəlki mövqedən geri çəkilmək sənətkarlar üçün qələbə hesab olunur. UK Music şirkətinin baş direktoru Tom Kiehl bu qərarı “əhəmiyyətli uğur” adlandıraraq, hökumətlə növbəti addımları müzakirə edəcəklərini bildirib.

    Keçən il Britaniyanın tanınmış sənətçiləri hökumətin mövqeyinə etiraz etmişdilər. Sir Elton John və Dua Lipa etiraz edənlər arasında idi. Hətta Sir Paul McCartney də xəbərdarlıq edərək bildirmişdi ki, süni intellekt sənətkarların işlərini “özününküləşdirə” və yaradıcılığın itirilməsinə səbəb ola bilər.