ChatGPT kimi çat-botlarla özəl konfidensial məlumatların bölüşülməsi məsləhət görülmür
Süni İntellekt
27.12.2023
Emil
Oksford Universitetinin professoru Mike Wooldridge istifadəçilərə ehtiyyatlı olmağı, ChatGPT və ona bənzər digər çat-botlarla özəl konfidensial məlumatları bölüşməməyi məsləhət görüb. Professorun sözlərinə əsasən bu heç də yaxşı ideya deyil və istifadəçilərin təqdim etdikləri özəl konfidensial məlumatlar bu və ya digər çat-botun gələcək versiyalarının təlimatlandırılmalarında istifadə edilir. “Siz başa düşməlisiniz ki, çat-bota göndərdiyiniz hər bir şey çat-botun gələcək versiyasında istifadə olunacaq” - deyə professor qeyd edib.
Onun sözlərinə əsasən bu cür çat-botların çalışma prinsiplərini nəzərə alsaq, onlara göndərilmiş məlumatların geri qaytarılması qeyri-mümkündür. Bundan əlavə olaraq professor qeyd edib ki, ChatGPT texnologiyası istifadəçilərin görmək istədikləri cavabları təqdim edir. Buna görə də bu cür çat-botlardan əsaslandırılmış cavabları gözləmək lazım deyil. Bununla yanaşı süni zəka insanlara qarşı empatiya və simpatiya kimi özəlliklərə sahib deyil. Mike Wooldridge istifadəçiləri ChatGPT ilə ünsiyyət zamanı ehtiyyatlı olmağa çağırıb.
Paylaş
Ən çox oxunanlar
Samsung Galaxy Z Fold 7, Z Flip 7 və Z Flip 7 FE təqdim olunub - QİYMƏTİ
