ChatGPT-nin proqramlaşdırma barəsindəki cavablarının 52%-i səhvdir
Süni İntellekt
27.05.2024
Emil
Son zamanlarda süni zəka texnologiyaları ətrafında olan səs-küy səbəbilə proqramçılar proqram təminatı kodlarının yazılması mövzusunda çox zaman ChatGPT kimi süni zəka əsaslı çat-botlara müraciət etməyə başlayıblar. Bu isə öz növbəsində tərtibatçılar üçün nəzərdə tutulmuş Stack Overflow saytının istifadəçi kütləsinin azalmasına səbəb olub. Nəticədə Stack Overflow keçən il öz işçi heyətinin 30%-ni ixtisar etməli oldu. Məlum olub ki, proqram təminatı kodlarının yazılması mövzusunda süni zəkaya güvənmək hələ tezdir. Belə ki, Perdyu Universitetinin mütəxəssisləri tərəfindən aparılmış tədqiqatın nəticələrinə əsasən ChatGPT tərəfindən proqramlaşdırma sahəsi üzrə tərtib etmiş cavabların 52%-i səhvdir.
Aparılmış tədqiqat çərçivəsində Perdyu Universitetinin proqramçıları Stack Overflow saytındakı 517-dən çox sorğuya nəzər yetiriblər və ChatGPT-nin həmin sorğulara olmuş cavablarını analiz ediblər. “Biz təyin etdik ki, cavabların 52%-i dezinformasiyadan təşkil edilib, 77%-i insanların cavablarından fərqli olaraq çox uzundur, 78%-i isə insanların cavabları ilə üst-üstə düşməyən müxtəlif faktorlara sahibdir” - deyə mütəxəssislər qeyd ediblər. Bununla yanaşı Perdyu Universitetinin mütəxəssisləri 12 nəfər tərtibatçı arasında sorğu keçirərək təyin edib ki, sorğu iştirakçılarının 35%-i ChatGPT tərəfindən tərtib edilmiş cavablara üstünlük verir və hətta həmin cavablardakı səhvləri belə görmür.
Paylaş
Bənzər xəbərlər
Süni İntellekt
Google-a görə, "pendiri pizzaya yapışdırmaq" üçün yapışqandan istifadə edə bilərsiniz!
Google, bir müddət əvvəl yeni axtarış funksiyası olan AI Overviews-u təqdim etmişdi. İndi isə Google-un yeni süni intellekt dəstəkli axtarış funksiyasına əsasən, pendiri pizzaya yapışdırmaq üçün yapışqandan istifadə edə bilərsiniz.
Süni İntellekt
Microsoft, səsinizi təqlid edərək zənglərə cavab verən süni intellekt üzərində işləyir!
Truecaller və Microsoft-un birgə əməkdaşlığı ilə hazırlanmış süni intellekt köməkçisi, səsinizi təqlid edəcək və zəng gələn zaman sizin əvəzinizə cavab verə biləcək.
Tech-Biznes
GPT-4o-nun təqdimatından sonra ChatGPT istifadəçi kütləsi mövzusunda yeni rekorda imza atıb
OpenAI şirkəti bir neçə müddət bundan öncə GPT-4o adlı yeni süni zəka modelini təqdim etdi.
Süni İntellekt
Google, süni intellekt dəstəkli reklamlar göstərməyə başlayıb!
Google, yeni süni intellektlə dəstəklənən reklam göstərmə xüsusiyyəti ilə axtarış nəticələrinizdə müvafiq reklamlar yerləşdirməyə başlayıb.
Sosial Media
Məşhur aktrisa ChatGPT-dəki səsin öz səsi olduğunu iddia edib!
OpenAI tərəfindən süni intellekt səsləndirməsi üçün məşhur aktrisa Scarlett Johansson-un səsindən istifadə edilməsi iddiası sosial mediada gündəmə səbəb olub.
Ən çox oxunanlar
Technote quruluşunun 10-cu ilinə özəl yeni brendinqini təqdim edir
