Çinlilər digər analoqlardan 10 dəfə daha güclü olan yeni neyron şəbəkəsi yaradıblar

Çinlilər digər analoqlardan 10 dəfə daha güclü olan yeni neyron şəbəkəsi yaradıblar

Süni zəka və Elm
03.06.2021 PAYLAŞIM

    Süni zəka üzrə Pekin Akademiyasının mütəxəssisləri Wu Dao 2.0 adlı generativ deep learning neyron şəbəkəsini yaratdıqlarını elan ediblər. Yaradılmış yeni neyron şəbəkəsi rekord özəlliklərə sahibdir. Məlumatda qeyd olunub ki, onun gücü OpenAI GPT-3Google Switch Transformers kimi neyron şəbəkələrindən daha böyükdür. Bu barədə Engadget saytı xəbər verib. Neyron şəbəkələrinin gücləri mövcud olan təlim parametrlərinin sayı ilə təyin olunur. Yəni bu, neyron şəbəkənin öz işində istifadə edə biləcəyi faktorların sayıdır.

    Sadə bir misal: y=ax+b xətti tənliyində ab dəyişənləri parametrlər qismində çıxış edirlər. Tənliyin həlli məhz onlardan asılıdır. Neyron şəbəkə isə nə qədər çox sayda parametrdən istifadə edərsə, o, bir o qədər daha ağıllı olar və onun işinin nəticələri bir o qədər daha dəqiq olarlar. OpenAI təşkilatı tərəfindən yaradılmış GPT-3 adlı neyron şəbəkəsi 175 milyard parametrdən istifadə edir. Bu cür güc sayəsində o, mənalı mətnlər tərtib edə və musiqi ilə tətbiq kodu yarada bilər.


    Wu Dao 2.0 adlı neyron şəbəkəsinin istifadə etdiyi parametrlərin sayı isə 1.75 trilyondan çoxdur. Başqa sözlə desək, o, GPT-3-dən 10 dəfə daha güclüdür. Çinlilərin yaratdıqları bu yeni neyron şəbəbə ilə yalnız Google Switch Transformers rəqabət apara bilər. Belə ki, o, 1.6 trilyon parametrə sahibdir. Google şirkətinin neyron şəbəkəsi hər hansı bir mətndə buraxılmış sözləri təyin edə və insanların suallarına təbii cavablar tərtib edə bilər. Wu Dao 2.0 çoxlu sayda müxtəlif tapşırığın öhdəsindən gələ bilər.

    O, esselər, şeirlər, ənənəvi çin dilində qoşmalar, yemək reseptləri yarada, təsvirləri təyin edərək onları sözlərlə ifadə, nitqi imitasiya edə və züllaların üçölçülü strukturlarını öncədən təyin edə bilər. Wu Dao 2.0-ın təlimatlandırılması üçün alimlər ümumilikdə 5 TB (terabayt) həcmdə olan müxtəlif təsvirlər ilə mətnlərdən istifadə ediblər. Bundan əlavə olaraq onlar çin və ingilis dilində mətnlərdən ibarət olan ümumi 1.2 TB-lıq məlumatlardan da istifadə ediblər. Artıq 22 şirkət bu yeni neyron şəbəkəsi barəsində maraqlanır. Onların arasında Xiaomi də var. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Harvard Universiteti yadplanetli texnologiyaların axtarışı üçün Galileo adlı lay..

Tədqiqatçılardan ibarət beynəlxalq qrup Harvard Universitetinin astronomlarının rəhbərliyi altında G..


Alimlər: 'Hal hazırda iqlim özünü steroid qəbul etmiş idmançı kimi aparır'..

İsveçrədən olan alimlər aşkar ediblər ki, keçən il Sibirdə, bu il isə Kanadanın qərb hissəsində müşa..


NASA-nın, Yupiterin peyki ilə bağlı missiyasında SpaceX də iştirak edəcək..

NASA agentliyi 2024-cü ildə reallaşdırılması planlaşdırılan Europa Clipper adlı missiyasının həyata ..


Alimlər Mars planetinin daxili strukturunu öyrənə biliblər

NASA özünün InSight missiyasının 2 illik işindən sonra Mars planetinin daxili strukturunu öyrənə bil..


İqlim dəyişikliyi bir çox ölkənin balıqçılıq sahəsinə ciddi zərər vuracaq..

Əhalini balıqçılıq sayəsində qida ilə təmin edən ölkələrdə iqlim dəyşiklikləri balıqların saylarının..


Buludlar qlobal istiləşmə prosesini gücləndirəcəklər

Peyklər vasitəsilə əldə olunmuş fotoların yeni növ analizi buludların qlobal istiləşməyə təsirləri b..

×