DeepMind daha bir uğura imza attı

    DeepMind-in AlphaFold 2 layihəsi zülalların 3D strukturunu insan dəqiqliyinə yaxın səviyyədə proqnozlaşdırmaqla tarix yazdı. Süni intellekt sistemi dərin neyron şəbəkələrindən istifadə etməklə amin turşusu ardıcıllığına əsasən zülalların strukturunu proqnozlaşdırır. Sistem 170 min zülal nümunəsinin əsasında işləyir. Bu sıçrayış biokimya və yeni dərmanların kəşfi sahəsində əhəmiyyətli təsir göstərə bilər. Protein strukturlarının dəqiq proqnozlaşdırılması tədqiqatçılara zülallarn səhv qatlanması nəticəsində yaranan xəstəliklərə (xərçəng və ya Alzheimer kimi) hədəflənmiş yeni dərmanlar hazırlamağa kömək edə bilər.

    AlphaFold 2-nin uğuru süni intellektin elmi kəşflərdə inqilab edəcəyinə daha bir işarədir. Elmi tədqiqatların sürətlənməsinə və yeni kəşflərə töhfəsinə baxmayaraq, elmi tədqiqatlarda süni intellektdən istifadə mühüm etik suallar doğurur. Bəzi ekspertlər süni intellektin elmi kəşfləri avtomatlaşdıra biləcəyindən, iş yerlərinin itirilməsinə və insan təcrübəsinin devalvasiyasına səbəb olacağından narahatdırlar. Digərləri süni intellektin yeni bioloji silahların və ya digər təhlükəli texnologiyaların yaradılması üçün istifadə oluna biləcəyi barədə xəbərdarlıq ediblər.

Müəllif: Aygün Zərbəliyeva