DeepSeek fotoların tərtibatı üçün süni zəka modelini təqdim edib

     Technote.az Techcrunch saytına istinadən bildirir ki, Çinin DeepSeek startapı, Janus Pro adlı yeni multimodal süni zəka modelini təqdim edib. Bu süni zəka modeli fotoların tərtib edilməsinə istiqamətlənib. Şirkətin iddiasına görə, bu açıq mənbəli model, DALL-E 3, PixArt-alpha və Stable Diffusion XL kimi mövcud həllərdən daha üstün performans sərgiləyir.

     Janus Pro modeli 1 milyarddan 7 milyardadək parametrlərə malik versiyalarda təqdim olunur. Ən güclü versiya olan Janus Pro 7B, GenEval və DPG-Bench kimi testlərdə yüksək nəticələr əldə edib. Şirkətin bəyanatında deyilir: "Janus Pro əvvəlki universal modelləri üstələyir və digər şirkətlərin ixtisaslaşmış həlləri ilə müqayisə edilə bilər. Sadəlik, çeviklik və səmərəlilik bizim süni zəka modelimizi yeni nəsil multimodal sistemlər üçün namizəd edir."

     Janus Pro-nun arxitekturası yalnız fotolar tərtib deyil, həm də onları analiz etməyə imkan verir. Lakin hazırkı versiya 384x384 piksel ölçüsündə fotolar tərtib bilir ki, bu da müasir modellərin standartlarından aşağıdır. Buna baxmayaraq, rəqiblərlə müqayisədə kompakt süni zəka modelləri üçün bu nəticələr heç də pis deyil.

     DeepSeek-in uğuru, onun çat-botunun App Store-un tətbiqlər siyahısında birinci yeri tutmasından sonra geniş diqqət çəkdi. High-Flyer Capital Management tərəfindən maliyyələşdirilən və enerjiyə qənaət edən təlim metodlarından istifadə edən bu startap, Wall Street analitikləri və İT mütəxəssisləri arasında ABŞ-ın süni zəka sahəsində liderliyini qoruyub saxlaya biləcəyinə dair şübhələr yaradıb. Bəziləri həmçinin süni zəka üçün çiplərə olan cari yüksək tələbatın davam edib-etməyəcəyini sual edirlər, çünki DeepSeek tamamilə fərqli yanaşmalardan istifadə edib.

     Ekspertlər qeyd edirlər ki, Janus Pro-nun inqilabi xüsusiyyəti onun universallığındadır. O, analiz və yaradıcı funksiyaları birləşdirir ki, bu da bu ölçüdə modellər üçün nadirdir. Tərtib edilən fotolar keyfiyyət baxımından hələ DALL-E 3 səviyyəsinə çatmasa da, açıq lisenziya və adaptivlik Janus Pro-nun kommersiya layihələrində tətbiqini sürətləndirə bilər.