DeepSeek özünün V3 adlı süni zəka modelini yeniləyib

     DeepSeek, V3 süni zəka modelinin yenilənmiş versiyasını - V3-0324-ü təqdim edib. Məlumata əsasən bu versiya proqramlaşdırma üzrə daha yaxşı imkanlar təqdim edir və dəqiqlik və səmərəlilik sahəsində yeni standartları müəyyənləşdirir. Yeniləmə rəsmi elan edilmədən Hugging Face platformasında dərc edilib. DeepSeek V3 açıq süni zəka modeli ilk dəfə ötən ilin sonunda təqdim olunmuşdu. Model Mixture of Experts (MoE) arxitekturası üzərində qurulub və ümumilikdə 671 milyard parametrə malikdir, onlardan hər bir token üçün 37 milyardı aktivləşir.

     Şirkətin həmin vaxt verdiyi məlumata görə, DeepSeek V3 modelinin təliminə 5.5, milyon dollar xərclənib ki, bu da OpenAI kimi digər texnologiya şirkətlərinin oxşar modellərin təliminə çəkdiyi xərclərdən xeyli azdır. Bir neçə həftə sonra DeepSeek açıq mənbəli məntiqi düşünmə modeli olan R1-i təqdim etdi. Bu model, böyük büdcəyə malik olmasa da, bir sıra əsas göstəricilər üzrə bəzi bençmark testlərində OpenAI-nin o1 modelini geridə qoymağı bacardı.

     2025-ci ilin yanvarında DeepSeek tətbiqi, ChatGPT süni zəka çat-botunu geridə qoyaraq ABŞ-da Apple App Store-un ən məşhur pulsuz tətbiqləri reytinqində birinci yerə yüksəldi. Çin startapının bu uğuru, ABŞ şirkətlərinin süni zəka texnologiyalarının inkişafına çəkdiyi nəhəng xərclərin nə dərəcədə əsaslı olduğu ilə bağlı investorlar arasında suallar doğurdu. Bu da süni zəka bazarının çökməsinə gətirib çıxardı, nəticədə bazar iştirakçıları səhmlərinin ciddi dəyər itirməsi ilə üzləşdilər. Xüsusilə də bazar lideri NVIDIA bir gün ərzində 593 milyard dollar bazar dəyəri itirdi - bu, fond bazarı tarixində ən böyük bir günlük itki idi.

Mənbə: Bloomberg

Bənzər xəbərlər

Süni İntellekt

Müasir süni zəka modelləri yeni ümumi zəka testindən keçə bilməyiblər

Süni zəka modellərinin ümumi zəka səviyyələrini qiymətləndirmək üçün hazırlanmış yeni test ARC-AGI-2 adlanır. Bu yeni test əksər süni zəka modellərini çıxılmaz vəziyyətə salıb.

Nəqliyyat

DeepSeek aktiv şəkildə Çin istehsalı avtomobillərə inteqrasiya edilir

Müasir nəqliyyat vasitələrinin proqram imkanları potensial alıcıları texniki göstəricilər və dizayn qədər maraqlandırır, buna görə də Çin avtomobil istehsalçıları öz proqram təminatına DeepSeek texnologiyası əsasında yaradılmış çat-botların inteqrasiyasını fəal şəkildə həyata keçirməyə başlayıblar.

Süni İntellekt

DeepSeek süni zəka sahəsində açıq mənbə kodu trendini işə salıb

Məlumata əsasən Çin süni zəka bazarının oyunçuları - iri şirkətlərdən (məsələn, Baidu) tutmuş daha kiçik oyunçulara (məsələn, Manus AI) qədər - layihələrində açıq mənbə kodlu proqram təminatı üzrə lisenziya modelindən istifadə etməyə getdikcə daha çox meyil göstərirlər.

Süni İntellekt

OpenAI CEO-su proqramlaşdırma əvəzinə süni zəka alətlərindən istifadəni öyrənməyi məsləhət görüb

OpenAI-nin baş direktoru Sam Altman hesab edir ki, hazırda süni zəka əsaslı alətlərin mənimsənilməsi, proqramlaşdırma öyrənmək istəyənlər üçün əsas vəzifədir.

Süni İntellekt

ChatGPT və digər çat-botlardan daimi istifadə tənhalıq hissini kəskinləşdirə bilər

Bloomberg OpenAI və Massaçusets Texnologiya İnstitutunun araşdırmalarına istinadən yazıb ki, ChatGPT kimi süni zəka çat-botlarından daha tez-tez istifadə edilməsi, insanların özlərini daha tənha hiss etmələrinə və başqaları ilə ünsiyyətə sərf olunan vaxtın azalmasına səbəb ola bilər.