DeepSeek süni zəka mdoellərinin effektivliklərini yüksəltməyin üsulunu tapıb

     Çin startapı DeepSeek ilin əvvəlində düşünmə qabiliyyətinə malik R1 modelini təqdim etməklə məşhurlaşdı. Bu model, məhdud büdcəyə baxmayaraq, ABŞ-ın texnoloji nəhənglərinin süni zəka modelləri ilə rəqabət apara bildi. İndi isə DeepSeek Tsinxua Universitetinin tədqiqatçıları ilə əməkdaşlıq çərçivəsində modellərin möhkəmləndirici öyrənmə (reinforcement learning) yolu ilə öyrədilməsi üçün yeni yanaşmanı ətraflı təsvir edən elmi məqalə dərc edib. Bu metodun onların səmərəliliyini əhəmiyyətli dərəcədə artırdığı bildirilir. Nəşrdə bildirilir ki, yeni metod süni zəka modellərinin insan üstünlüklərinə daha yaxşı uyğunlaşmasına kömək etməyə yönəlib və bunun üçün daha dəqiq və anlaşılan cavablar üçün mükafatlandırma mexanizmindən istifadə olunur.

     Möhkəmləndirici öyrənmə süni zəkanın məhdud sahələrdə və tətbiqlərdə tapşırıqları daha sürətlə həll etməsi baxımından effektivliyini sübut edib. Lakin bu metodun daha ümumi və kompleks tapşırıqlarda istifadəsi o qədər də səmərəli olmayıb. DeepSeek komandası bu problemi həll etmək məqsədilə mükafatın generativ modelləşdirilməsi (GRM) və prinsiplərə əsaslanan özünü tənqidə uyğunlaşdırma adlanan yanaşmanı birləşdirməyə çalışır. Məqalədə iddia olunur ki, böyük dil modellərinin (LLM) düşünmə qabiliyyətlərini yaxşılaşdırmaq məqsədi daşıyan bu yeni yanaşma mövcud metodları geridə qoyub. Bu da modellərin müxtəlif testlərdə yoxlanılması ilə təsdiqlənib və daha az hesablama resursları ilə ümumi sorğular üzrə ən yüksək məhsuldarlıq əldə etməyə imkan verib.

     Yeni modellər DeepSeek-GRM adlandırılıb - bu, “Generalist Reward Modeling” (ümumi məqsədli mükafat modelləşdirməsi) anlayışının qısaldılmış formasıdır. Şirkət bildirib ki, yeni modellər açıq mənbə kodlu olacaq, lakin onların buraxılış tarixi hələ açıqlanmayıb. Ötən ay Reuters agentliyi məlumatlı mənbələrə istinadən xəbər verdi ki, aprel ayında şirkət düşünmə qabiliyyətinə malik R1 modelinin davamçısı olan DeepSeek-R2-ni də təqdim edəcək. Bloomberg qeyd edir ki, süni zəka sahəsində fəaliyyət göstərən digər aparıcı şirkətlər, o cümlədən Çinli Alibaba Group Holding və ABŞ-ın San-Fransisko şəhərində yerləşən OpenAI də süni zəka modellərinin düşünmə və özünüinkişaf qabiliyyətlərini yaxşılaşdırmaq üzərində işləyirlər.

Mənbə: South China Morning Post

Bənzər xəbərlər

Süni İntellekt

Meta Llama 4 süni zəka modellərini istifadəyə verib

Meta Platforms açıq mənbə koduna sahib süni zəka əsaslı modellərindən ibarət Llama 4 ailəsinin istifadəyə verildiyini elan edib. Bu ailəyə Llama 4 Scout, Maverick və Behemoth modelləri daxildir və onlar multimodal qarşılıqlı əlaqə imkanı təqdim edirlər.

Süni İntellekt

Fotoların tərtibatı üçün Midjourney V7 süni zəka sistemi təqdim edilib

Midjourney süni zəkaya əsaslanan V7 təsvir generatorunun alfa versiyasını təqdim edib. OpenAI-nin ChatGPT-sindən fərqli olaraq, bu model Ghibli üslubunda şəkillər yaratmaq üçün optimallaşdırılmayıb, lakin bu, onun estetik cəhətdən xoş təsvirlər yaratmasına mane olmur.

Süni İntellekt

BMT: "Süni zəka 2033-cü ilə qədər iş yerlərinin yarısını ixtisar edəcək"

BMT-nin Ticarət və İnkişaf üzrə Konfransının (UNCTAD) proqnozuna görə, 2033-cü ilə qədər süni zəka bazarının həcmi 4.8 trilyon dollara çatacaq. Lakin süni zəkanın üstünlükləri məhdud iştirakçı dairəsi üçün əlçatan olacaq ki, bu da inkişaf etmiş və inkişaf etməkdə olan ölkələr arasında fərqin daha da artmasına səbəb ola bilər.

Süni İntellekt

GPT-4.5 süni zəka modeli Turing testindən keçə bilib

OpenAI şirkətinin GPT-4.5 süni zəka modeli Turing testindən keçib - insanlar onu 73 % hallarda “insan” kimi qəbul ediblər. Araşdırma göstərib ki, süni zəkaya sadəcə olaraq “insan olduğunu sübut et” deyildikdə, onun nəticələri daha zəif olur, nəinki konkret bir rol verildikdə.

Süni İntellekt

Süni zəka ilk dəfə universitet tələbəsi oldu

Avstriya universiteti dünyada ilk dəfə olaraq süni zəkanı rəsmi şəkildə tələbə kimi təhsilə qəbul edib. Flynn adlı sistem Vyana Tətbiqi İncəsənət Universitetində rəqəmsal incəsənət proqramı üzrə qəbul olunub.