DeepSeek xidmətlərinin qiymətini ciddi şəkildə artıracaq

    DeepSeek xidmətlərinin qiymətlərini əhəmiyyətli dərəcədə artırmağa hazırlaşır. Şirkət istifadəçilərinə göndərdiyi bildirişdə yaxın zamanda ciddi qiymət artımının olacağını açıqlayıb. Lakin yeni tariflərin konkret olaraq nə qədər olacağı hələ bildirilməyib. DeepSeek indiyədək bazardakı ən ucuz süni intellekt xidmətlərindən biri kimi tanınırdı. Şirkətin API xidmətlərində 1 milyon giriş və çıxış tokeninin qiyməti hazırda 1 dollardan aşağıdır. Bu isə bəzi Qərb rəqibləri ilə müqayisədə olduqca aşağı göstəricidir.

    Məsələn, Anthropic-in Fable 5 modeli üçün 1 milyon giriş tokeninin qiyməti 10 dollar, çıxış tokeninin qiyməti isə 50 dollar təşkil edir. Bu baxımdan DeepSeek-in uzun müddət belə aşağı qiymətlərlə fəaliyyət göstərməsinin davamlılığı ilə bağlı suallar yaranırdı. Qiymət artımı xəbəri DeepSeek-in infrastrukturunu genişləndirməyə hazırlaşdığı bir dövrə təsadüf edir. Şirkətin Çinin Daxili Monqolustan bölgəsində böyük məlumat mərkəzi qurmağı planlaşdırdığı bildirilir. Belə layihələr böyük həcmdə hesablama gücü, enerji və maliyyə vəsaiti tələb edir. Hələlik DeepSeek yeni qiymətləri və tariflərin nə vaxt qüvvəyə minəcəyini açıqlamayıb.