Elon Musk: "2025-ci ilin sonuna kimi süni zəka istənilən insanın zəkasından daha güclü olacaq"
Süni İntellekt
26.12.2024
Emil
Elon Musk müxtəlif mövzular barəsində proqnozlar verməyi sevməklə tanınır. Bu dəfə o, süni zəka sahəsi ilə bağlı növbəti proqnozunu verib. Onun yeni proqnozu süni zəkanın nə zaman bütün insanlardan daha ağıllı ola biləcəyini əhatə edir. Musk-ın sözlərinə əsasən süni zəkanın inkişafı inanılmaz sürətlə gedir və insanlar bu inkişafla baş verən dəyişikliklərin miqyasını hələ dərk etmirlər. Musk-ın fikrincə 2025-ci ilin sonuna kimi süni zəka istənilən insanın zəkasından, 2027-2028-ci illərə kimi isə bütün insanlardan daha güclü olacaq.
Proqnoza əsasən süni zəkanın 2030-cu ilə kimi zəka gücü mövzusunda bütün insanları geridə qoyma ehtimalı 100%-ə bərabərdir. Qeyd etmək lazımdır ki, OpenAI şirkətinin keçmiş əməkdaşı Leopold Aschenbrenner də hesab edir ki, süni zəka nəticə etibarilə insanlara faydadan çox zərər verə bilər. Onun proqnozlarına əsasən 2027-ci ilə kimi insan zəkası ilə eyni səviyyədə olacaq ümumi süni zəka (AGI) yaradılacaq. Onun fikrincə bu öz növbəsində mənfi nəticələrə səbəb ola bilər. Bu proqnozlar süni zəka inkişafının potensial riskləri barəsində xəbərdarlıqlara bənzəyirlər. Ümid var ki, Google və OpenAI kimi şirkətlər süni zəkadan təhlükəsiz və etik istifadəni təmin edəcək təhlükəsizlik tədbirlərini görürlər.
Paylaş
Bənzər xəbərlər
Təhlükəsizlik
Süni zəka ənənəvi antivirus tətbiqlərini qeyri-effektiv edib
Palo Alto Networks Unit 42 şirkətinin təhlükəsizlik üzrə mütəxəssisləri aşkar ediblər ki, böyük dil modelləri zərərli JavaScript kodunun demək olar sonsuz sayda müxtəlif versiyalarını tərtib edə bilirlər.
Süni İntellekt
OpenAI məntiq yürüdə bilən o3 və o3 mini adlı yeni süni zəka modellərini təqdim edib
OpenAI şirkəti iki yeni süni zəka modelini təqdim edib. Onlardan birincisi o3, ikincisi isə o3 mini adlanır. Bu süni zəka modellərinin əsas fərqləndirici xüsusiyyətlərindən biri də odur ki, onlar məntiq yürütmək bacarığına sahibdirlər.
Süni İntellekt
Videolarda insanları realistik şəkildə qocaldan və cavanlaşdıran süni zəka alqoritmi hazırlanıb (VİDEO)
Şimali Karolina və Merilend Universitetlərinin mütəxəssisləri MyTimeMachine adlı süni zəka alqoritmini ərsəyə gətiriblər. Bu süni zəka alqoritmi videoda hər hansısa şəxsi realistik şəkildə qocalda və ya cavanlaşdıra bilər.
Elm & Texnologiya
Süni intellekt 1.5 milyard illik təkamülün sirrini ortaya çıxarıb!
Çin Elmlər Akademiyasının Nankin Geologiya və Paleontologiya Elmi-Tədqiqat İnstitutunun rəhbərlik etdiyi beynəlxalq komanda süni zəka və böyük məlumat metodlarından istifadə edərək, kompleks həyatın 1.5 milyard illik təkamülünü yüksək dəqiqliklə ortaya çıxarıblar.
Süni İntellekt
OpenAI yaxın zamanda o3 adlı yeni süni zəka sistemini anons edə bilər
OpenAI şirkətinin CEO-su Sam Altman, X-dəki (keçmiş Twitter) hesabında maraqlı bir paylaşım edib. Öz paylaşımı ilə Altman şirkətin yeni süni zəka modelinin yaxın zamanda istifadəyə veriləcəyinə işarə etmiş ola bilər.
Ən çox oxunanlar
Technote quruluşunun 10-cu ilinə özəl yeni brendinqini təqdim edir
