Stanford Universitetinin nəşr etdiyi "AI Index 2024" hesabatı həyatımızın ayrılmaz hissəsinə çevrilən süni intellekt sənayesi ilə bağlı təəccüblü təfərrüatları açıqlayıb. Bu dəfə Stanford Universitetinin səlahiyyətliləri çox detallı bir araşdırma apararaq ən etibarlı süni intellekt dil modellərini təyin ediblər.

     Tədqiqat zamanı DecodingTrust prinsipləri çərçivəsində süni intellekt dil modelləri sınaqdan keçirilib. Dərhal DecodingTrust-u izah edək: bu sistem ədalətlilik, qərəzlilik, məxfiliyin qorunması, təhlükəsizlik və maşın öyrənmə etikası kimi mühüm mövzularda süni intellekt dil modellərini qiymətləndirir. Buna əsaslanaraq, Stanford Universiteti bütün məlum süni intellekt dil modellərini sınaqdan keçirdərək onları etibarlılıq səviyyəsinə görə sıralayıblar.

 

 

 

 

     Araşdırmaya görə, dünyanın ən etibarlı süni intellekt dili modeli Anthropic tərəfindən hazırlanmış "Claude-2"dir. Bu süni intellekt dil modeli keçirilən testlərdə 84,52 bal toplaya bilib. Siyahının ikinci yerində Metanın "Llama-2-Chat-7b" modelini görürük. Maraqlıdır isə ondadır ki, OpenAI-nin "GPT-4" modeli siyahının ortasında yer alıb. Tədqiqat çərçivəsində xüsusilə GPT tipli modellər üçün əhəmiyyətli bir nəticə çıxarılıb. Belə ki, tədqiqatçıların fikrincə, GPT tipli AI dil modelləri qərəzli nəticələr çıxarmağa və şəxsi məlumatları sızdırmağa meyillidirlər.