main-post-cover

    Energetik şirkətlərdən biri 250 nəfərin işini süni zəkaya həvalə edib

    Süni İntellekt
    12.05.2023
    Farid Pardashunas
        Böyük Britaniyanın Octopus Energy adlı energetika şirkəti 250 nəfər işçinin yerinə yetirdiyi işi görmək üçün süni zəka texnologiyasından istifadə edir. Bu barədə məlumatı şirkətin CEO-su Greg Jackson verib. Onun sözlərinə əsasən şirkət artıq bir neçə aydır ki, süni zəka texnologiyasını təcrübədən keçirdir. Sözügedən texnologiya şirkətin sistemlərinə inteqrasiya edilib. Bu ilin fevral ayından başlayaraq isə şirkət əməkdaşları ona müştərilərin bəzi elektron məktublarına cavab verməyə icazə veriblər. Məlumatda qeyd edilib ki, süni zəka daxil olan elektron məktubların 1/3 hissəsindən çoxunu emal edir.
        Adətən isə bu işin öhdəsindən 250 nəfər işçi gəlir. Greg Jackson bildirib ki, süni zəka tərəfindən tərtib edilmiş elektron cavablar müştərilərin 80%-ni razı salıb. Şirkətin ixtisaslı işçiləri arasında bu göstərici isə 65% təşkil edib. Bununla yanaşı qeyd edilib ki, şirkət əməkdaşları süni zəkanın tərtib etdiyi cavabları idarə edir və onların müştərilərə göndərilməsindən öncə yoxlayırlar. Greg Jackson-un sözlərinə əsasən şirkətin bu iş prosesinə süni zəkanın inteqrasiyası nəticədə çətin ki, işçilərin ixtisarına gətirib çıxartsın. Lakin bununla yanaşı o etiraf edib ki, sözügedən texnologiyanın inkişafı yaxın illərdə əmək bazarında ciddi dəyişikliklərə səbəb ola bilər.
    Linki kopyala

    Bənzər xəbərlər

    Oxşar xəbərlər