Fortnite-da AI personajlar dövrü başlayır

    Technote.az “The Verge” platformasına istinadən bildirir ki, Fortnite oyununun yaradıcısı Epic Games oyun daxilində süni intellekt əsaslı personajların yaradılmasına imkan verən yeni “conversations” adlı aləti təqdim edib. Bu yenilik sayəsində oyun yaradıcıları artıq klassik dialoq seçimləri yazmaq əvəzinə, oyunçularla real vaxtda ünsiyyət qura bilən AI personajlar hazırlaya biləcəklər.

    Şirkətin açıqlamasına görə, bu sistem NPC-ləri daha “canlı” edir. Yaradıcılar sadəcə qısa təsvirlərlə personajın kim olduğunu, necə düşündüyünü və necə davranacağını müəyyənləşdirir, sistem isə avtomatik olaraq bu personaj üçün uyğun dialoqları generasiya edir. Belə personajlar məsələn, tapşırıq verən və ya hekayəni izah edən narrator kimi istifadə oluna bilər.

    Yeni alət texniki olaraq Google-ın Gemini 3.1 Flash-Lite modeli ilə işləyir və səsli cavabların yaradılması üçün ElevenLabs texnologiyasından istifadə edir. Bununla belə, Epic Games bu imkanın sui-istifadəsinin qarşısını almaq üçün ciddi qaydalar da tətbiq edib. Yeni qaydalara əsasən:

    Hazırda bu funksiya “eksperimental” mərhələdədir və yaradıcılar hələ ki, bu tip AI personajları olan xəritələri yayımlaya bilmirlər. Alətin beta versiyasının nə zaman təqdim ediləcəyi isə açıqlanmayıb. Bu yenilik Epic Games-in Fortnite-ı sadəcə oyun deyil, daha geniş yaradıcı platformaya çevirmək strategiyasının bir hissəsi hesab olunur. Şirkət son dövrlərdə istifadəçi aktivliyində azalma ilə qarşılaşsa da, AI texnologiyaları ilə platformanı yenidən cəlbedici etməyə çalışır.