Gələn həftə alimlər Süd Yolu qalaktikasında edilmiş inqilabi kəşfi elan edəcəklər

Gələn həftə alimlər Süd Yolu qalaktikasında edilmiş inqilabi kəşfi elan edəcəklər

Süni zəka və Elm
02.05.2022 PAYLAŞIM

    Gələn həftə Avropa Cənub Rəsədxanası (ESO) xüsusi press-konfrans keçirdəcək və həmin press-konfrans çərçivəsində bizim qalaktikada edilmiş yeni kəşfdən danışılacaq. ESO astronomları Event Horizon Telescope (EHT) adlı layihə çərçivəsində aparılmış araşdırmaların nəticələrini ictimaiyyətə təqdim edəcəklər. Qeyd etmək lazımdır ki, məhz bu layihə çərçivəsində astronomlar 2019-cu ildə qara dəliyin ilk fotosunu əldə etmişdilər. Söhbət, M87 adlı qalaktikanın mərkəzində yerləşən yüksək kütləli qara dəliyin fotosundan gedir. Buna görə də heç istisna deyil ki, bu dəfə alimlər Süd Yolu qalaktikasının mərkəzində yerləşən qara dəliyin fotosunu əldə ediblər.

    ESO tərəfindən planlaşdırılan press-konfrans 12 may tarixində baş tutacaq. Konfrans həmçinin Youtube üzərindən canlı yayım şəklində də təqdim ediləcək. Keçiriləcək konfransın əsas mövzusu hələ ki, sirr olaraq saxlanılır. Lakin məlumdur ki, alimlər EHT layihəsi çərçivəsində artıq uzun zamandır ki, Süd Yolu qalaktikasının mərkəzini incələyirlər. Qalaktikamızın mərkəzində isə Oxatan A* adlı yüksək kütləli qara dəlik yerləşir. Bəlkə alimlər 2019-cu ildə qara dəliyin təqdim edilmiş ilk fotosu uğurunu təkrar ediblər? Bu həqiqətən də astronomiya sahəsinin ən vacib nailiyyətlərindən biri olacaq.


2019-cu ildə qara dəliyin təqdim edilmiş ilk fotosu:

    Qara dəliklərin fotolarını əldə etmək olduqca çətindir. Belə ki, onlar bütün elektromaqnit şüalanmanı udduqları üçün demək olar gözəgörünməzdirlər. Görünə biləcək yeganə şey isə qara əliyin hadisə üfüqi adlı bölgəsidir. Bizim qalaktikamızın mərkəzində yerləşən Oxatan A* adlı qara dəliyə gəldikdə isə onu bizdən toz və qaz buludları örtürlər. Buna görə də onu müşahidə etmək ikiqat çətinləşir. Əgər alimlər həqiqətən də Oxatan A*-nın fotosunu əldə ediblərsə, həmin fotoda çox güman ki, işıq saçan ponçikə bənzər obyekt əks olunacaq. ESO-nun verdiyi məlumata əsasən söhbət, inqilabi kəşfdən gedir. 2019-cu ildə alimlər qara dəliyin ilk fotosunu təqdim etməmişdən öncə də qeyd etmişdilər ki, edilmiş kəşf inqilabidir.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Almaz yağışlarının yağdıqları planet: Alimlər Neptun planetinin maraqlı özəllikl..

Neptun planeti Urandan sonra Günəş sisteminin ikinci buz nəhəngidir. O, Yer kürəsindən fərqli olaraq..


Alimlər yadplanetli həyat növünü hansı planetlərdə axtarmaq lazım olduğunu öyrən..

Kopenhagen Universitetindən olan alimlər belə qənaətə gəliblər ki, yadplanetli həyat növünün axtarış..


Yer kürəsini əhatə edən vacib məlumatların vahid ehtiyat kopyasının Ayda saxlanm..

Məlumatda qeyd edilib ki, Yer kürəsini əhatə edəcək vacib məlumatlar Aydakı serverlərdə saxlanılacaq..


Kainatda işıq sürətindən daha yüksək sürətlə hərəkət etmək mümkündürmü?..

Fizika qanunlarına əsasən kainatda heç bir şey işıq sürətindən daha yüksək sürətlə hərəkət edə bilmə..


Amerikalı alim: 'Kainatda fiziki qanunları istədikləri kimi dəyişə bilən siviliz..

NASA-nın dəstəyinə sahib olan amerikalı alim Adam Frank yadplanetli sivilizasiyaların öz inkişaf səv..


Hubble teleskopu vasitəsilə kainatın hansı sürətlə genişləndiyi daha dəqiq şəkil..

NASA Hubble kosmik teleskopunun ən böyük işi hesab edilən yeni hesabatı təqdim edib.

×