Google Gemini 3.7 Flash-ı təqdim etdi

    Google yeni süni intellekt modeli Gemini 3.7 Flash-ı istifadəyə verib. Şirkətin daha ucuz və sürətli işləmək üçün nəzərdə tutulan Flash modeli xüsusilə proqramlaşdırma sahəsində əvvəlki versiya ilə müqayisədə ciddi irəliləyiş göstərib. Maraqlısı isə odur ki, Google-un daha güclü flaqman modeli Gemini 3.5 Pro hələ də təqdim edilməyib. Gemini 3.7 Flash proqramlaşdırma testlərində nəzərəçarpacaq nəticələr göstərir. Model FrontierCode 1.1 testində 43,6 % nəticə əldə edib. Müqayisə üçün, əvvəlki versiyada bu göstərici 34,4 % idi. DeepSWE v1.1 nəticəsi 49 %-dən 65,3 %-ə, AutomationBench göstəricisi isə 17 %-dən 30,4 %-ə yüksəlib.

    Google yeni modeli kifayət qədər münasib qiymətlə də bazara çıxarır. Gemini 3.7 Flash üçün 1 milyon giriş tokeni 0,75 dollar, 1 milyon çıxış tokeni isə 3,75 dollar təşkil edəcək. Bu qiymətlər dekabrın sonuna qədər qüvvədə olacaq, bundan sonra isə iki dəfə artırılacaq. Gemini 3.7 Flash eyni zamanda 160-dan çox ölkədə Google AI Pro və Ultra abunəçiləri üçün təqdim edilən Gemini Spark xidmətinin əsasını təşkil edir. Google yeni modeldə təhlükəsizlik imkanlarını da gücləndirdiyini bildirir. Şirkət kibertəhlükələr, eləcə də kimyəvi, bioloji, radioloji və nüvə materiallarından zərərli məqsədlərlə istifadə edilməsinin qarşısını almağa yönəlmiş əlavə qoruma mexanizmləri tətbiq edib.