Google Maps-də yeni Gemini funksiyası gündəlik planlaşdırmanı dəyişə bilər

    Technote.az “The Verge” platformasına istinadən bildirir ki, Google-un süni intellekt sistemi Gemini artıq şirkətin demək olar ki, bütün xidmətlərinə inteqrasiya edilib və indi Google Maps tətbiqində də istifadəçilərə gündəlik plan hazırlamaqda kömək edir. Yeni funksiyanı sınaqdan keçirən jurnalist isə nəticənin təəccüblü dərəcədə uğurlu olduğunu deyir.

    “Ask Maps” adlı bölmə vasitəsilə işləyən Gemini istifadəçiyə mətn qutusu təqdim edir və sualları Google Maps məlumatları, istifadəçi rəyləri və digər mənbələr əsasında cavablandırır. Sistem həm marşrut planlaşdıra, həm də hava şəraitini yoxlayaraq tövsiyələr verə bilir.

    Gemini xüsusilə çoxsaylı seçimlər arasında qərar verməkdə çətinlik çəkənlər üçün faydalı alət kimi qiymətləndirilir və Google Maps-də kəşf prosesini daha rahat və şəxsi hala gətirir.