Google Photos-un süni intellektlə redaktə funksiyası Hindistan, Avstraliya və Yaponiyada istifadəyə verildi

     Technote.az “TechCrunch” platformasına istinadən bildirir ki, Google süni intellekt əsaslı foto redaktə imkanlarını daha çox istifadəçiyə çatdırmaq üçün Google Photos tətbiqində mətnlə idarə olunan redaktə funksiyasını yeni ölkələrdə aktivləşdirir. Şirkət bu xüsusiyyətin artıq Hindistan, Avstraliya və Yaponiyada istifadəyə verildiyini açıqlayıb.

     İlk dəfə ötən ilin avqustunda ABŞ-də Pixel 10 istifadəçiləri üçün təqdim edilən bu funksiya, fotoları mürəkkəb alətlərdən istifadə etmədən, sadə mətn əmrləri ilə redaktə etməyə imkan verir. İstifadəçilər şəkli redaktə edərkən “Help me Edit” bölməsini görür və burada hazır təkliflərdən yararlana və ya istədikləri dəyişiklikləri öz sözləri ilə yaza bilirlər.

     Funksiya Google-un “Nano Banana” adlı görüntü modelindən istifadə edir və redaktə prosesi internet bağlantısı olmadan, birbaşa tətbiq daxilində həyata keçirilir. Bu imkan Android 8.0 və daha yuxarı versiyaya malik, minimum 4 GB RAM olan bütün Android cihazlarda işləyir və Pixel modelləri ilə məhdudlaşmır.

     Google eyni zamanda C2PA Content Credentials texnologiyasını da bu ölkələrdə tətbiq edir. Bu metadata, şəkilin süni intellektlə yaradılıb-yaradılmadığını və ya redaktə edilib-edilmədiyini göstərir. AI məzmununun sürətlə artdığı bir dövrdə bu cür etiketləmə istifadəçilər üçün daha çox şəffaflıq yaradır.