Google şirkətinin təkmilləşdirillmiş süni zəka sistemi bublik ilə ponçik arasındakı fərqi anlaya bilmir
Süni İntellekt
22.02.2021
Emil Nəcəfov
Son illər ərzində neyroşəbəkələr və süni zəkalar bir çox sahələrdə əsl inqilab yaradıblar. Smartfonlarda fotoların emal olunmasından tutmuş yeni dərman preparatlarının yaradılmasına kimi. Lakin məlum olub ki, bu cür sistemlər hələ ideallıqdan çox uzaqdırlar. Belə ki, onlar hələ də bublik ilə ponçik arasındakı fərqi görə bilmirlər. Bublik və ponçik Google mühəndisləri qarşısında həlli mümkün olmayan problem kimi dayanıb. Məsələ burasındadır ki, machine learning sistemi alqoritmə oxşar olmayan obyektləri fərqləndirməyi öyrədə bilir. Lakin oxşar obyektlərin fərqləndirilməsi halında məsələ qəlizləşir.
Sadalanmış hər iki obyekt dairəvi formaya, dairəvi formada boşluğa və üst hissədən tekstura sahibdir. Bir qayda olaraq insanlar bu iki obyektlərdən hansının bublik, hansının ponçik olduğunu anlaya bilirlər. Lakin neyron şəbəkəsi üçün bu çox qəliz problemdir. Adətən fərqləndirmə problemi obyektlərin ən çox aydın özəlliklərinə fokuslanma cəhdi ilə aradan qaldırılır. Bu halda obyektlərin aydın şəkildə görünən özəllikləri düzgün nəticələrin əldə olunmasına gətirib çıxardır. Lakin bu heç də həmişə çalışmır.
Məsələn əgər süni zəka iki eyni fotonu görsə və həmin fotolardan birinin üzərinə insan gözü ilə görünməyən rəqəmsal küy əlavə edilsə, machine learning sistemi düzgün cavab verməkdə çətinlik çəkəcək. Hal hazırda süni zəka sisteminin iş prinsipini təkmilləşdirmək üçün istifadə olunan ən yaxşı üsul insan faktorunun iştirakıdır. Google şirkəti machine learning sistemi üçün ən qəliz fotoların qiymətləndirilməsini aparacaq mütəxəssislərin axtarışı ilə məşğuldur. Həmin mütəxəssislər bir fotonu digərindən fərqləndirən bu və ya digər özəlliklərin təyin edilməsi ilə məşğuldurlar.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!