Google şirkəti Digital Futures adlı layihəyə 20 milyon dollar investisiya yatırıb. Sözügedən layihə süni zəka texnologiyasının etik istifadəsi və tərtibatçılığı sahəsində tədqiqatları maliyyələşdirmə ilə məşğuldur. Google tərəfindən investisiya edilmiş vəsaitlər machine learning texnologiyasının cəmiyyətə təsirini analiz edən alimlərin dəstəklənməsinə yönəldiləcək. Əsas maraq dairəsi isə süni zəka potensialının iqtisadiyyatın, dövlət idarəetməsinin və sosial institutların transformasiyalarında hansı rolu oynadığını müəyyən etməkdir. Digital Futures layihəsi aşağıdakı mövzular üzrə olan tədqiqatları maliyyələşdirir.

- Süni zəkanın qlobal təhlükəsizliyə təsiri və onun təşkilatların təhlükəsizlikləri üçün istifadəsi

- Süni zəkanın əmək bazarına, iqtisadiyyata, işçi qüvvəsinin təşkilinə təsiri və onun dövlət tərəfindən istifadəsi

- Süni zəka sahəsindəki innovasiyalara məsuliyyətli yanaşmanı əhatə edən idarəetmə strukturları və sektorlararası qarşılıqlı əlaqə.