GPT-4 əsaslı çat-bot Turing testindən keçib

Süni İntellekt

20.06.2024

Emil

Günümüzdə neyron şəbəkələri o dərəcədə təkmilləşdirilib ki, adi ünsiyyət çərçivəsində onları real insanlardan fərqləndirmək qəliz məsələyə çevrilir. Bunu təsdiqləmək üçün Elektrotexnika və Elektronika Mühəndisləri İnstitutunun (IEEE) mütəxəssisləri yeni tədqiqat aparıblar və aparılmış tədqiqat çərçivəsində tədqiqat iştirakçılarına çat-botlarla ünsiyyət qurmaq təklifi edilib. Məsələ burasındadır ki, tədqiqatda yalnız 3 ədəd çat-bot və bir nəfər real insan iştirak edib. Tədqiqatın əsas məqsədi tədqiqat iştirakçılarının həmsöhbət tərəfin real insandan fərqləndiyini təyin edə bilib-bilməmələrini öyrənmək olub.

Bu tədqiqat məşhur riyaziyyatçı Alan Turing tərəfindən 1950-ci ildə təklif edilmiş testin müasir versiyasıdır. Əgər süni zəka alqoritmi insanla ünsiyyət prosesi zamanı onu söhbətin real insanla getdiyinə inandıra bilsə, deməli alqoritm sözügedən testdən keçmiş olacaq. Beləliklə aparılmış bu testdə 500 nəfər insan iştirak edib. Onlar müəyyən müddət ərzində növbə ilə 3 ədəd çat-bot və bir nəfər insanla söhbət ediblər. Lakin 500 nəfər arasında heç kim həmsöhbət tərəfdə bir nəfər real insanın olduğunu öncədən bilməyib.

Çat-botlara gəldikdə isə testdə keçən əsrin 60-cı illərində yaradılmış ELIZA çat-botu və müasir günümüzdə tanınan GPT-3.5 ilə GPT-4 istifadə edilib. Qeyd et etmək lazımdır ki, ChatGPT-nin əsasını hal-hazırda məhz GPT-4 təşkil edir. Beləliklə iştirakçıların hər biri həmsöhbət tərəfin nümayəndələri ilə 5 dəqiqə ərzində ünsiyyətdə olublar. Nəticədə iştirakçıların 54%-i GPT-4-ü, 22%-i tərkibində heç bir böyük dil modeli və ya neyron şəbəkəsi arxitekturasını birləşdirməyən ELIZA-nı, 50%-i isə GPT-3.5-i insan kimi qəbul ediblər. İştirakçıların 67%-i isə həmsöhbət olduqları tərəfin real insan olduğunu təyin edə biliblər.

Paylaş

gpt 4

chatgpt

artificial intelligence

gpt 3.5

suni zeka

suni intellekt

Bənzər xəbərlər