Harvard Universiteti yadplanetli texnologiyaların axtarışı üçün Galileo adlı layihəni istifadəyə verib

Harvard Universiteti yadplanetli texnologiyaların axtarışı üçün Galileo adlı layihəni istifadəyə verib

Süni zəka və Elm
29.07.2021 PAYLAŞIM

    Tədqiqatçılardan ibarət beynəlxalq qrup Harvard Universitetinin astronomlarının rəhbərliyi altında Galileo adlı yeni layihənin işə salınmasını elan ediblər. Sözügedən layihə yadplanetli sivilizasiyalar tərəfindən yaradılmış texnologiyaların axtarışı üçün nəzərdə tutulub. Bu layihə Pentaqonun UFO (Unidentified Flying Object / Uçan Naməlum Obyekt) barəsində olmuş bəyanatından 1 ay sonra işə düşüb. Qeyd etmək lazımdır ki, bir neçə müddət bundan öncə Pentaqon bildirmişdi ki, 143 dəfə bu cür hadisə ilə qarşılaşıb və həmin hadisələrə aydınlıq gətirə bilməyib.

    Pentaqon bu bəyanatı 25 iyun tarixində təqdim edib. Bəyanatda qeyd edilib ki, yaşanmış hadisələrə iqlim hadisələri və ya digər ölkələrin texnologiyaları vasitəsilə aydınlıq gətirmək qeyri-mümkündür. Bəyanatda həmçinin qeyd edilib ki, təyin edilmiş UFO-lar qeyri-adi uçuş və hal hazırda mövcud olan texnoloji inkişaf çərçivəsində anlaşılması qeyri-mümkün olan digər özəlliklər sərgiləyiblər. Pentaqon təmsilçiləri qeyd ediblər ki, onlar Çinin və ya Rusiyanın hansısa gizli texnologiyaları ola bilərlər.


    26 iyul tarixində isə Harvard, Prinston, Kembric, və Stokholm Universitetllərinin alimləri Galileo adlı layihənin işə salındığını elan ediblər. Bu layihə yadplanetli sivilizasiyalar tərəfindən yaradılmış texnologiyaların axtarışı üçün nəzərdə tutulub. Layihə fərdi investorlar tərəfindən maliyyələşdirilir və artıq 1.75 milyon dollar investisiya əldə edib. Sözügedən layihə çərçivəsində orta ölçülü teleskoplardan, yüksək həssaslığa sahib kameralardan və kompüterlərdən ibarət qlobal şəbəkənin istifadəsi planlaşdırılır. Bu qlobal şəbəkə 3 əsas istiqamət üzrə çalışacaq:

- Teleskoplar vasitəsilə obyektlərin yüksək keyfiyyətli fotolarının çəkilməsi, onların müşahidə edilməsi və məlumatların açıq şəkildə təqdim olunması

- Vera Rubin adlı rəsədxananın və bu işdə maraqlı olan digər təşkilatların köməkliyi ilə ulduzlararası obyektlərin axtarışı və onların dərindən müşahidə edilməsi

- Ölçüləri 1 metr və daha kiçik olan yadplanetli peyklərin axtarışı. Nəzəri cəhətdən bu cür peyklər vasitəsilə yadplanetlilər Yer kürəsini müşahidə etmiş ola bilərlər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Kimyəvi tullantılar səbəbilə kloun balıqların cinsləri erkəkdən dişiyə dəyişir..

Alimlər rif balıqları arasında qeyri-adi çoxalma dövrünü aşkar ediblər. Belə ki, alimlər aşkar edibl..


Avstraliyada insan sivilizasiyasının məhvolma səbəblərini yaddaşına yazacaq qara..

Avstraliyanın dağlarla əhatə olunmuş qranit düzənliyində polad materialdan hazırlanmış nəhəng qutu y..


Alimlər: 'Yaxın gələcəkdə Yer kürəsində kommunikasiya böhranı yaşana bilər'..

Kaliforniya Universitetinin mütəxəssislərinin fikirlərinə əsasən irimiqyaslı Günəş fırtınası (Geomaq..


Alimlər orqanizmdə xərçəng xəstəliyinin yayılmasına şərait yaradan geni deaktiv ..

Xərçəng xəstəliyinin orqanizmdə yayılması prosesini müşahidə edən zaman Prinston Universitetinin ali..


Kvant səviyyəsində zaman eyni anda həm keçmişə həm də gələcəyə doğru axa bilər..

Alimlər güman ediblər ki, superpozisiya vəziyyətində (hansısa obyektin eyni zamanda iki vəziyyətdə m..


Yüksək sürətdə asteroidlə toqquşması planlaşdırılan DART aparatı uğurla kosmosa ..

Bugün səhər saatlarında ABŞ-ın Kaliforniyadakı Vandenberq adlı Kosmik Qüvvələr bazasından SpaceX-in ..

×