İrimiqyaslı tədqiqat təsdiqləyib: COVID-19 qrip infeksiyasından daha təhlükəlidir

İrimiqyaslı tədqiqat təsdiqləyib: COVID-19 qrip infeksiyasından daha təhlükəlidir

Süni zəka və Elm
22.12.2020 PAYLAŞIM

    Alimlər son 5 ildə qrip epidemiyasının ən ağır sezonu ilə COVID-19-un ən ağır dövrünü müqayisə ediblər. Nəticədə məlum olub ki, koronavirusdan ölüm halları 3 dəfə daha yüksək olub, bu xəstəlik daha ağır keçib və daha uzun müddət çəkib. Bu iki virusun müqayisəsi üzrə aparılmış irimiqyaslı tədqiqat mütəxəssislərin ən pis proqnozlarını təsdiqləyib. Bu barədə Hightech.plus saytı xəbər verib. Statistikaya əsasən hər il qrip virusunun ağırlaşması nəticəsində bütün dünya üzrə 650.000-ə yaxın insan həyatını itirir. Nəzərə almaq lazımdır ki, qrip virusuna qarşı müxtəlif dərmanlar və vaksinasiyalar mövcuddur. COVID-19 pandemiyasının 1 ili ərzində isə təqribi olaraq 1.6 milyon insan həyatını itirib.

Bunun əsas səbəblərindən biri də koronavirusa qarşı effektiv dərmanlar ilə vaksinasiyanın olmamasıdır.

    Daha informativ statistikanı əldə etmək üçün Fransadan olan alimlər əhalinin bütün qrupları arasında xəstəlik, xəstəlik nəticəsində ölüm və xəstəliyin davamlılığı məsələlərində müqayisə araşdırması etmək qərarına gəliblər. Tədqiqatlar ölkə üzrə məlumatlara əsaslanıb. Həmin məlumatlara koronavirus səbəbilə bu ilin 1 mart tarixindən 30 aprel tarixinə kimi xəstəxanalara yatırılmış 89.530 nəfər pasient və 1 dekabr 2018-ci il tarixindən 28 fevral 2019-cu il tarixinə kimi qrip virusu səbəbilə xəstəxanalara yatırılmış 45.819 nəfər pasient daxil olub. Başqa sözlə desək, alimlər Fransada pandemiyanın 2 ayı ərzində xəstəxalara yatırılmış pasientlər ilə son 5 ildə qripin ən ağır sezonu zamanı xəstəxanalara yatırılmış pasientləri müqayisə ediblər.


    Nəticədə əldə edilmiş statistika heç də ürəkaçan deyil. Beləliklə əsas göstərici hesab olunan ölüm halları qripdən fərqli olaraq COVID-19 fonunda 3 dəfə yüksək olub. Bu məsələdə koronavirusun göstəricisi 16.9%, qripin göstəricisi isə 5.8% təşkil edib. COVID-19-a yoluxmuş pasientlərin əksəriyyəti (16.3%) intensiv terapiyaya ehtiyac duyublar. Qripdən əziyyət çəkmiş pasientlərdə isə bu göstərici 10.8%-dir. Koronavirusa yoluxmuş pasientlərin xəstəxanalarda ortalama qalma müddətləri (15 gün) qrip ilə müqayisədə (8 gün) 2 dəfə daha uzun olub.

18 yaşına kimi olan uşaqlar və yeniyetmələr nadir hallarda xəstəxanalara yerləşdirilməyə ehtiyac duyublar.

    Bu məsələdə adi qrip koronavirusu üstələyir. Belə ki, koronavirusa yoluxmuş və yaşı 18-dən aşağı olan şəxslərin 1.4%-i xəstəxanalara yerləşdirməyə ehtiyac duyublar. Qripdə isə bu statistika 19.5% təşkil edib. Lakin koronavirusa yoluxmuş uşaqlar qripə yoluxmadan fərqli olaraq intensiv terapiyaya daha çox ehtiyac duyublar. 5 yaşına kimi olan uşaqlar arasında ölüm halları hər iki virusun fonunda aşağı olub. COVID-19-da bu göstərici 0.5%, qripdə isə 0.2% təşkil edib. Son 5 il ərzində qripin ən ağır sezonundan fərqli olaraq koronavirus pandemiyasının ən ağır dövrü çərçivəsində xəstəxanalara daha çox pasient yerləşdirilib. COVID-19-un qripdən daha təhlükəli olması həmçinin orqanizmin demək olar bütün sistemlərinə təsiri ilə də sübut olunur.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Kvant səviyyəsində zaman eyni anda həm keçmişə həm də gələcəyə doğru axa bilər..

Alimlər güman ediblər ki, superpozisiya vəziyyətində (hansısa obyektin eyni zamanda iki vəziyyətdə m..


Yüksək sürətdə asteroidlə toqquşması planlaşdırılan DART aparatı uğurla kosmosa ..

Bugün səhər saatlarında ABŞ-ın Kaliforniyadakı Vandenberq adlı Kosmik Qüvvələr bazasından SpaceX-in ..


Alimlər Mars üçün süni maqnit sahəsinin yaradılmasını təklif ediblər

ABŞ-ın Milli Radio Astronomiya Rəsədxanasından olan alimlər Marsın peyki olan Fobosdan istifadə edər..


ABŞ Ayda atom elektrostansiyasını istifadəyə verməyi planlaşdırır

NASA agentliyi ABŞ-ın Energetika Nazirliyinin Aydaho Milli Laboratoriyası ilə birlikdə Ayda atom ele..


Tarixdə ikinci dəfə pasient heç bir dərman qəbul etmədən İİV-dən (HIV) tamamilə ..

İndiyənə kimi İİV-dən əziyyət çəkmiş yalnız 2 şəxs sümük iliyinin transplantasiyası sayəsində İİV-də..


Alimlər Mars şəraitinə yaxın olan şərtlər altında pomidor yetişdirə biliblər (Vİ..

Müxtəlif növ souslarının istehsalçısı olan Heinz şirkəti Florida Tenxologiya İnstitutunun tədqiqatçı..

×