Jensen Huang OpenClaw-ı “yeni kompüter” adlandırdı

    Technote.az “Engadget” platformasına istinadən bildirir ki, Nvidia şirkəti süni intellekt agentləri sahəsində yeni addım ataraq “NemoClaw” adlı açıq mənbəli platformasını təqdim edib. Bu yenilik son dövrlərdə diqqət mərkəzində olan OpenClaw sisteminin imkanlarını genişləndirməyə və onun əsas zəif nöqtələrindən biri hesab olunan təhlükəsizlik problemlərini aradan qaldırmağa yönəlib.

    Şirkətin baş direktoru Jensen Huang 2026-cı ildə keçirilən Nvidia GTC 2026 konfransında çıxışı zamanı OpenClaw texnologiyasını yüksək qiymətləndirərək bildirib ki, gələcəkdə hər bir şirkətin “agent əsaslı strategiyası” olmalıdır. O, bu texnologiyanı şəxsi kompüterlər üçün Windows-un oynadığı rol ilə müqayisə edib. Yeni təqdim olunan NemoClaw platforması OpenClaw üçün əlavə təhlükəsizlik və məxfilik qatları yaradır. Nvidia-nın açıqlamasına görə, bu sistem istifadəçilərə AI agentlərinin davranışını və məlumatlarla necə işlədiyini daha dəqiq idarə etməyə imkan verir. NemoClaw paketinin əsas komponentlərindən biri “Nvidia OpenShell” adlı yeni açıq mənbəli mühitdir. Bu sistem agentlərin fəaliyyətinə nəzarət edən siyasət əsaslı qoruma mexanizmləri təqdim edir və onların daha sürətli, lakin eyni zamanda daha təhlükəsiz işləməsini təmin edir.

    Mütəxəssislər hesab edir ki, bu addım süni intellekt agentlərinin real biznes mühitində tətbiqini sürətləndirə bilər. Xüsusilə məlumat təhlükəsizliyi və istifadəçi nəzarəti kimi məsələlərin gücləndirilməsi şirkətlər üçün kritik əhəmiyyət daşıyır. Nvidia bildirir ki, NemoClaw açıq mənbəli layihədir və onu istifadə etmək istəyənlər aşağıdakı addımları izləyə bilərlər:

    Hazırda platforma əsasən developerlər və şirkətlər üçün nəzərdə tutulub və texniki bilik tələb edir.