Microsoft ABŞ xüsusi kəşfiyyat agentlikləri üçün generativ süni zəka sistemi yaradıb
Süni İntellekt
08.05.2024
Brilyant Rasulova
Bloomberg saytının vermiş olduğu məlumata əsasən Microsoft şirkəti superkompüter çərçivəsində ABŞ gizli kəşfiyyat xidmətləri üçün nəzərdə tutulmuş generativ süni zəkanı istifadəyə verib. Məlumatda qeyd edilib ki, istifadəyə verilmiş bu generativ süni zəka sistemi internetdən tamamilə təcrid edilib. Microsoft nümayəndəsinin sözlərinə əsasən GPT-4 əsaslı generativ süni zəka sistemi ilk dəfə olaraq internetdən tamamilə təcrid edilib. ChatGPT də daxil olmaqla bu cür süni zəka sistemləri təlimatlandırma prosesi və qanunauyğunluqların təyini üçün əsasən bulud servislər əsasında çalışırlar. Lakin Microsoft ABŞ gizli kəşfiyyat agentliklərinə təhlükəsiz süni zəka sistemini təqdim etmək istəyib.
Bütün dövlətlərin kəşfiyyat xidmətləri ümid edirlər ki, generativ süni zəka hər gün generasiya edilən və həcm baxımından sürətlə böyüyən gizli məlumatların analizində yardımçı ola biləcəklər. Lakin kəşfiyyat xidmətləri böyük dil modellərinə müraciət ilə məlumatların sızması və ya sındırılması riski arasında müəyyən tarazlığı təmin etməlidirlər. Keçən il ABŞ Mərkəzi Kəşfiyyat İdarəsi (CIA) sirli olmayan sənədlərlə çalışmaq üçün nəzərdə tutulmuş ChatGPT tərzində xidməti istifadəyə vermişdi. Lakin xüsusi kəşfiyyat agentlikləri bu xidmət vasitəsilə daha konfidensial məlumatları emal edirdilər.
“Hal-hazırda kəşfiyyat məlumatlarına generativ süni zəkanın inteqrasiyası üzrə yarış gedir. Sözügedən mövzuda generativ süni zəkadan istifadə edəcək ilk ölkə bu yarışdan qalib ayrılacaq. Mən isə bu qalibin biz olmasını istəyirəm” - deyə Mərkəzi Kəşfiyyat İdarəsinin Transmilli və Texnoloji Missiyaları Mərkəzinin direktorunun köməkçisi Sheetal Patel qeyd edib. Məlumata əsasən ABŞ gizli kəşfiyyat agentlikləri üçün nəzərdə tutulmuş generativ süni zəkanın yaradılması və onun superkompüterə inteqrasiyasına Microsoft şirkəti 18 ay vaxt sərf edib. Məlumatda qeyd edilib ki, Microsoft tərəfindən işə salınmış bu generativ süni zəka sistemi statikdir. Yəni o, daxil olan məlumatları yalnız analiz edir. Onun daxil olan məlumatlar əsasında təlimatlanmaq kimi bir özəlliyi yoxdur. Bunun sayəsində hökumət vacib konfidensial məlumatların sızması hallarını aradan qaldırır.
Linki kopyala
suni intellekt
suni zeka
generative artificial intelligence
artificial intelligence
microsoft
generative ai
Bənzər xəbərlər
Oxşar xəbərlər
Apple Photos-a gələcək süni intellekt xüsusiyyəti ortaya çıxıb!
Apple Photos-a gələcək süni intellekt xüsusiyyəti ortaya çıxıb!
Apple tətbiqləri iOS 18 yeniləməsi ilə yenilənəcək. Bildirilir ki, “Apple Photos” tətbiqinin yeni versiyası generativ süni intellektdən istifadə etməklə Photoshop səviyyəli redaktə funksiyaları təqdim edəcək.
Microsoft məşhur Android tətbiqlərdə ciddi boşluq aşkar edib
Microsoft məşhur Android tətbiqlərdə ciddi boşluq aşkar edib
Microsoft tərtibatçıları Android üçün nəzərdə tutulmuş məşhur tətbiqlərdə ciddi boşluq aşkar ediblər. Aşkar edilmiş boşluq hakerlərə istifadəçi smartfonunda distant şəkildə zərərli proqram kodunun işə salınması və istifadəçi məlumatları ilə autentifikasiya tokenlərinin oğurlanması imkanlarını verir.
Microsoft nə üçün data mərkəzlərini okeanın dərinliklərində yerləşdirir?
Microsoft nə üçün data mərkəzlərini okeanın dərinliklərində yerləşdirir?
Elektron cihazların ən böyük düşməni su olsa da, Microsoft Azure nə üçün məlumat mərkəzlərini suyun altına köçürməyi planlaşdırır?
Microsoft, Windows 10-dakı cansıxıcı problemi həll edə bilmədiyini qəbul edib!
Microsoft, Windows 10-dakı cansıxıcı problemi həll edə bilmədiyini qəbul edib!
Microsoft həftələr əvvəl buraxılmış Windows 10 KB5034441 yeniləməsindəki problemləri həll edə bilməyəcəyini təsdiqləyib. İstifadəçilər “0x80070643 - ERROR_INSTALL_FAILURE” problemini özləri həll etməli olacaqlar.
Microsoft-un süni zəka sahəsində Google şirkətini geridə qoymaq səyləri barəsində keçmiş məktublar ortaya çıxıb
Microsoft-un süni zəka sahəsində Google şirkətini geridə qoymaq səyləri barəsində keçmiş məktublar ortaya çıxıb
Microsoft-un ortaya çıxmış daxili elektron məktubları onun süni zəka sahəsində Google şirkətinə çatması istiqamətində daimi səylərini sərgiləyir.
Həftənin xəbərləri
