Microsoft CEO-su: "Süni zəkanın dəyəri onun iqtisadiyyata necə təsir göstərdiyindən asılı olacaq"

Süni İntellekt

27.02.2025

Emil

Microsoft-un baş direktoru Satya Nadella süni zəkanın uğurunun qlobal iqtisadiyyata gətirdiyi fayda ilə ölçülməli olduğunu bildirir. Onun fikrincə, süni zəka həqiqətən təsirli olacaqsa, onun e-poçt və ya Excel kimi "öldürücü tətbiqə" (killer app) çevrilməsi lazımdır. "Biz AGI (ümumi süni zəka) sahəsində hansısa nailiyyətlər əldə etdiyimizi iddia edirik, amma bu, mənasızdır" - deyə Nadella podkastlardan birində qeyd edib. O hesab edir ki, süni zəkanın uğurunu ölçmək üçün ən yaxşı göstərici onun ölkələrin ÜDM-nin (Ümumi Daxili Məhsul) artmasına təsiridir.

"Əgər biz süni zəkanı sənaye inqilabı ilə müqayisə ediriksə, gəlin ondan 10% və ya 7% iqtisadi artım əldə edək. Hətta inflyasiya nəzərə alınaraq 5%-lik artım belə real bir göstərici olar" - deyə Nadella vurğulayıb. 2024-cü ildə çox az ölkə bu cür iqtisadi artım tempinə nail olub. Satya Nadella hesab edir ki, süni zəkadan effektiv istifadə olunmadığı üçün hələlik gözlənilən iqtisadi artım baş verməyib. O düşünür ki, bunun üçün vaxt lazımdır, çünki fərdi kompüterin geniş yayılması və təsirinin tam anlaşılması da illərlə davam etmişdi.

Bundan əlavə, Nadella süni zəkanın öz yerini tapdıqdan sonra belə, zehni əmək sahəsində çalışan insanları tamamilə əvəz edəcəyini düşünmür. Əksinə, süni zəka agentləri işçilərə daha vacib vəzifələrə fokuslanmağa imkan verəcək və ya şirkətlərin işçi heyətini azaltmaqla xərclərini optimallaşdırmasına kömək edəcək. Hətta insan qabiliyyətlərini üstələyən AGI səviyyəsinə çatıldığı halda belə, Nadella hesab edir ki, qanunvericilik məsələlərinə görə yaxın gələcəkdə insanları tam əvəz etməsi real deyil.

Mənbə: The Register

Paylaş

satya nadella

suni zeka

artificial intelligence

suni intellekt

Bənzər xəbərlər