Microsoft tibbi süni zəka assistenti Dragon Copilot-u anons edib

     Microsoft səhiyyə sahəsində yeni süni zəka əsaslı assistenti - Dragon Copilot-u təqdim edib. Şirkətin sözlərinə görə, bu texnologiya həkimlərin rutin inzibati işlərini azaltmaqla xəstələrə daha çox vaxt ayırmasına kömək edəcək. Dragon Copilot mövcud həllər - səs tanıma üçün Dragon Medical One və həkimlə xəstə arasındakı söhbətləri sənədləşdirmək üçün DAX Copilot texnologiyalarının birləşdirilməsi əsasında yaradılıb. Microsoft-un məlumatına görə, Dragon Copilot həkimlərə tibbi mənbələrdən məlumatları tez bir zamanda əldə etməyə, klinik qeydləri avtomatik tərtib etməyə, dərman istifadəsi ilə bağlı tövsiyələr hazırlamağa və xəstə vizitlərindən sonra yekun xülasələr yaratmağa kömək edəcək.

     "Bu texnologiya sayəsində həkimlər kompüterə deyil, xəstəyə diqqət ayıra biləcəklər. Bu da daha yaxşı nəticələr əldə etməyə və ümumilikdə səhiyyə xidmətlərinin keyfiyyətini artırmağa imkan verəcək". Bu sözləri Microsoft-un qlobal səhiyyə üzrə vitse-prezidenti David Rhew jurnalistlərə açıqlamasında bildirib. Google Cloud-un 2023-cü ilin oktyabrında aparmış olduğu tədqiqata görə, həkimlər həftədə təxminən 28 saatlarını sənədləşmə kimi inzibati işlərə sərf edirlər. Bu kağız işlərinin həddindən artıq çox olması səhiyyə mütəxəssislərinin tükənmə sindromu yaşamasının əsas səbəblərindən biri hesab edilir.

     Microsoft 2021-ci ildə Dragon Medical One və DAX Copilot həllərinin yaradıcısı olan Nuance Communications şirkətini 16 milyard dollara almışdı. Bununla da, süni zəka əsasında səs tanıma və mətnə çevirmə bazarında güclü oyunçulardan birinə çevrildi. DAX Copilot kimi tətbiqlər həkimlərə pasientlə ünsiyyət zamanı klinik qeydləri real vaxt rejimində aparmağa imkan verir. Microsoft-un məlumatına görə, DAX Copilot son 1 ay ərzində 600-dən çox tibb müəssisəsində 3 milyondan çox həkim qəbulunda istifadə edilib.

Mənbə: CNBC

Bənzər xəbərlər

Süni İntellekt

Çində süni zəka kardioloqu təqdim edilib

Şanxayda Çinin ilk dəfə ürək-damar xəstəliklərinin diaqnostikası üçün nəzərdə tutulmuş süni zəka modeli - CardioMind təqdim edilib. Bu sistem tibbi kartları, müayinə nəticələrini və beynəlxalq tədqiqatları analiz edərək həkimlərə dəqiq diaqnoz təyin etməkdə kömək edir.

Süni İntellekt

Müxtəlif sahələrdə mətnlərin süni zəka vasitəsilə tərtib edilməsi tendensiyası sürətlə artır

Aparılmış araşdırma sübut edib ki, süni zəkanın mətn yaradılması üçün istifadəsi müştəri müraciətlərinə cavab verməkdən tutmuş Birləşmiş Millətlər Təşkilatı ilə qarşılıqlı əlaqəyə qədər müxtəlif sahələrdə geniş yayılıb.

Süni İntellekt

DeepSeek gəlirdən çox ümumi süni zəkanın yaradılmasına istiqamətlənib

Çinin DeepSeek startapı, "məntiqi düşünmə" qabiliyyəti ilə tanınan R1 adlı süni zəka modeli sayəsində qlobal məşhurluq qazansa da, elmi araşdırmaları maliyyə qazancından üstün tutur.

Proqram Təminatı

Microsoft Skype fəaliyyətinin dayandırılacağını rəsmi şəkildə təsdiqləyib

Microsoft rəsmi olaraq Skype-ın bağlanacağını elan edib və sonuncu zəngin 5 may 2025-ci ildə ediləcəyini açıqlayıb. Şirkət verdiyi açıqlamada, Skype-ın bağlanmasının Microsoft-un korporativ platforması olan Teams-ə daha çox diqqət ayırmasına imkan yaradacağını bildirib.

Süni İntellekt

Britaniyadakı tələblərin demək olar hamısı təhsildə süni zəkadan istifadə edir

Böyük Britaniyanın Ali Təhsil Siyasəti İnstitutu (HEPI) tərəfindən aparılmış araşdırma süni zəkanın tələbələr arasında sürətlə məşhurlaşdığını göstərib.