Microsoft video oyunun gameplay hissələrini tərtib edə bilən süni zəka modelini yaradıb

     Microsoft açıqlayıb ki, Microsoft Research tədqiqat bölməsi və Ninja Theory studiyasının (Senua's Saga: Hellblade II) tərtibatçıları süni zəka sahəsində əhəmiyyətli bir nailiyyət əldə ediblər. Şirkət Muse adlı ilk unikal süni zəka modelini təqdim edib. Bu model vizual məlumatlar və ya oyunçunun hərəkətləri əsasında oyun mühitini generasiya edə bilir. Muse 3D dünyanı, oyun fizikasını və istifadəçilərin oyunla qarşılıqlı əlaqələrini tanıyır.

     Bu süni zəka modeli Ninja Theory-nin “Bleeding Edge” adlı multiplayer oyununda 7 illik real oyun təcrübəsinə əsaslanaraq təlimatlandırılıb. Microsoft texnologiyanın imkanlarını nümayiş etdirmək üçün bir neçə oyun videosu təqdim edib. Hazırda Muse “mürəkkəb oyun səhnələri” generasiya edə bilir, lakin bu, aşağı keyfiyyət (300x180 piksel və 10 FPS) və sürətlə baş verir. Model, 1 saniyəlik real oyun prosesindən (10 kadr) və istifadəçinin bütün sessiya ərzində verdiyi komandalardan istifadə edərək oyun mühitini yaradır.

     Microsoft vurğulayıb ki, Muse süni zəka modeli tamamilə oyun yaratmaq və ya oyun tərtibatçılarını əvəz etmək üçün nəzərdə tutulmayıb. Əksinə, bu texnologiya interaktiv əyləncə sahəsində yeni imkanlar açmaq və yaradıcı potensialı ortaya çıxarmaq üçün tərtibatçılara kömək etməyə yönəlib. Microsoft Muse-un tətbiq oluna biləcəyi əsas sahələri belə müəyyənləşdirir:

- Klassik oyunların təkmilləşdirilməsi və yeni cihazlara uyğunlaşdırılması,

- Yeni ideyaların prototipləşdirilməsi və test edilməsi,

- Süni zəka əsaslı yeni təcrübələrin mövcud oyunlara əlavə edilməsi.

     Şirkət Xbox oyunçuları və oyun tərtibatçıları ilə süni zəka alətlərini və təcrübələrini daha erkən mərhələdə paylaşmağı planlaşdırır. Bundan əlavə, Microsoft daxili studiyalarını süni zəkadan istifadə etməyə məcbur etməyəcəyini də vəd edib.

Mənbə: Microsoft

Bənzər xəbərlər

Süni İntellekt

Google tibbi araşdırmaları sürətləndirən süni zəka sistemi yaradıb

Google süni zəkaya əsaslanan bir laborant yaradıb ki, bu da alimlərə biotibbi tədqiqatları sürətləndirməyə və müasir texnologiyalar əsasında ixtisaslaşmış tətbiqlər hazırlamağa kömək edəcək.

Süni İntellekt

OpenAI CEO-su Sam Altman süni zəka sahəsinə 5 trilyon dollar sərf etməyi planlaşdırır

OpenAI hələ geniş şəkildə reklam edilən “Stargate” layihəsi üçün 500 milyard dollar belə cəlb etməyib. Lakin şirkətin rəhbəri Sam Altman artıq gələcəkdə nə qədər vəsait xərcləyəcəyini düşünməyə başlayıb.

Süni İntellekt

Böyük dil modellərinin məlumatları insan beyni kimi emal etdikləri məlum olub

Massaçusets Texnologiya İnstitutunun (MIT) tədqiqatçıları böyük dil modellərinin (BDM) daxili işləmə mexanizmlərini araşdıraraq, onların müxtəlif məlumat növlərini insan beyni kimi emal etdiklərini aşkar ediblər.

Süni İntellekt

Meta geberativ süni zəka mövzusunda LlamaCon adlı konfransını keçirəcək

Meta şirkəti tərtibatçılar üçün generativ süni zəka mövzusunda ilk konfransını keçirməyə hazırlaşır. LlamaCon adlandırılan tədbir, Meta-nın Llama adlı generativ süni zəka modelləri ailəsinə həsr olunacaq və 29 aprel tarixində keçiriləcək.

Süni İntellekt

Keçmiş OpenAI texniki direktoru Mira Murati öz süni zəka startapını təsis edib

Keçən ilin payızında gözlənilmədən OpenAI-dən ayrılmış keçmiş texniki direktor Mira Murati, süni zəka sahəsində öz startapını yaradıb. Yeni şirkət Thinking Machines Lab adlanır, lakin layihənin konkret məhsulları və imkanları barədə hələlik ətraflı məlumat verilməyib.